影片
更多
2017-12-30
2148 浏览
车仔面可以话系香港 50 年代嘅穷人恩物，当时市民为了谋生，街头涌现流动摊贩，售卖车仔面。不过随住生活水平改善，车仔面档已经由街头走入舖位。早几天友人突然在群组中提起屹立于湾仔区多年嘅「车仔面之家」，说店子最近喺北角开咗新分店，位置好近我，叫我有空去试下。讲起上嚟，其实我也很久没吃过车仔面，趁周五懒得开火钻，就拉埋两父子一起来开餐。新舖位于锦屏街后街，地方不大，走小店格局，装修简单，不过空间感唔错。左边靠墙设有多张四人卡座，而右边同中间位就以木台櫈为主，配上尽头嘅开放式厨房，整体感觉干净企理。面店采自助形式，客人要先去 counter 落单，当场点选，然后等叫号码领取。面底共有 9 款，而配料选择就有接近四十款，除了常见的牛腩、猪红、萝卜、猪皮外，还有多款厨师推介，例如甜酸斋、酿豆卜、咖喱鱿鱼、猪手、猪大肠、炸猪扒等。另外还有 8 款净𩠌，再加埋饮品，选项真系多到数都数唔晒。饮品拣咗冻公和豆浆 ($10x2) 同菠萝荔枝梳打 ($14)，豆浆入口顺滑无渣，豆味颇浓；梳打真材实料，内有菠萝同荔枝肉，入口味道酸甜，开胃又刺激味蕾。小伙子年青力壮，食量惊人，拣咗大米线做底 ($16/大)，而
车仔面可以话系香港 50 年代嘅穷人恩物，当时市民为了谋生，街头涌现流动摊贩，售卖车仔面。不过随住生活水平改善，车仔面档已经由街头走入舖位。早几天友人突然在群组中提起屹立于湾仔区多年嘅「车仔面之家」，说店子最近喺北角开咗新分店，位置好近我，叫我有空去试下。讲起上嚟，其实我也很久没吃过车仔面，趁周五懒得开火钻，就拉埋两父子一起来开餐。
新舖位于锦屏街后街，地方不大，走小店格局，装修简单，不过空间感唔错。左边靠墙设有多张四人卡座，而右边同中间位就以木台櫈为主，配上尽头嘅开放式厨房，整体感觉干净企理。
面店采自助形式，客人要先去 counter 落单，当场点选，然后等叫号码领取。面底共有 9 款，而配料选择就有接近四十款，除了常见的牛腩、猪红、萝卜、猪皮外，还有多款厨师推介，例如甜酸斋、酿豆卜、咖喱鱿鱼、猪手、猪大肠、炸猪扒等。另外还有 8 款净𩠌，再加埋饮品，选项真系多到数都数唔晒。
饮品拣咗冻公和豆浆 ($10x2) 同菠萝荔枝梳打 ($14)，豆浆入口顺滑无渣，豆味颇浓；梳打真材实料，内有菠萝同荔枝肉，入口味道酸甜，开胃又刺激味蕾。
小伙子年青力壮，食量惊人，拣咗大米线做底 ($16/大)，而配料就点咗牛腩 ($10)、炸墨鱼腐皮卷 ($9)、炸猪扒 ($16)、卤腩仔肉 ($10)、卤水肾 ($10)、红肠 ($7)， 另配净𩠌生菜 ($12)。米线软熟滑溜；墨鱼腐皮卷有点似「南记」嘅春卷，用腐皮包裹墨鱼胶鲜炸而成，入口鲜甜香滑。猪扒软而不韧，肉汁丰盈；腩仔肉肥瘦适中，卤得够晒入味。
笔者年纪大，胃纳有限，所以点了细米线做底 ($8/小)，而配料就拣咗冬菇 ($7)、酿豆卜 ($9)、煎厚餐肉 ($10)、甜酸斋 ($8)，加辣汁，另配净𩠌咖喱鱿鱼 ($12)。冬菇已经切开，唔算好大只，但都几厚肉；酿豆卜内藏手打虾胶，豆卜吸尽汤汁，超正。甜酸斋个汁用陈醋同白醋炮制，味道酸酸甜甜；辣汁不算很辣，入口香浓惹味。鱿鱼用自家调配咖喱酱烹煮，挟起一看，鱿鱼须挂满咖喱汁，浓香扑鼻，食落烟韧弹牙。
至于老公就拣咗油面做底 ($8/小)，而𩠌料就点咗牛腩 ($10)、萝卜 ($7)、酿豆卜 ($9)、牛肚 ($10)、煎鱼饼 ($11)、甜酸斋 ($8)，加辣汁。油面颇爽身、有蛋香，煮面时间控制准绳。鱼饼厚度十足，煎至两面焦黄，入口不觉油腻。牛腩肉质柔软、牛肚爽中带咬劲，牛筋软嫩香滑。萝卜够腍，完全无苦涩味，甜而无渣。总括来说，价钱虽然有点贵，但食物水准唔错，会再嚟帮衬。就当晚所见，店子人流都几多，颇旺场。
张贴
