半路咖啡 (已結業)

半路咖啡係本土咖啡店，總共有4間舖頭，每間都各有特色，就連杯碟都好有懷舊復古味，其中旺角店更加掛上「堅強貿易行」招牌嚟鼓勵香港人。小編今次嚟到上環東街嘅分店，呢間分店開喺斜坡嘅樓梯旁邊，一出門口就係賣懷舊玩具嘅攤檔，喺生活煩惱之中去cafe坐吓嘆杯咖啡，仲可以同時間欣賞一吓舊區嘅情懷😛 😋 Piccolo $40 Piccolo又稱短笛咖啡，Piccolo Latte同普通Latte嘅分別係細杯一半左右，咖啡大家都係咁多份量，即係Piccolo落少咗奶，亦即係Piccolo嘅咖啡濃度高啲，更加飲得出咖啡豆香（呢段嘢我抄返自己之前介紹Trois Cafe嗰段😂）關於咖啡，有一點必須要講，就係世界上係無一種咖啡叫做好嘅咖啡，只係有啱唔啱你飲嘅咖啡。小編表示加埋環境，木枱隔離仲有棵綠色嘅植物映襯起杯咖啡，呢本Piccolo非常啱我。喺度邊睇書邊飲咖啡，香港人應該要好好放鬆吓。