翠華餐廳 (黃大仙中心北館) (已結業)

星期日下午，去左好同学屋企聚会打机。打到天昏地暗，唔经唔觉就到晚饭时间，于是落楼下商场睇下有咩食。原来黄大仙中心开左呢间野，同学话住咁耐都唔知开左，咁就不如试下。坐埋卡位，都几阔落，又舒服咁，餐牌早就放系枱，于是立即睇下有咩食。我地叫左个鸡粒炒饭，虾球烩面，另加瑞士鸡翼。炒饭睇落好湿，入口又岩岩好，味道唔算太咸，份量都几多。虾球烩面，附加既例汤唔错，入口好香，虾球感觉新鲜弹牙，面又好咬口，只系菜就少左，得一条。瑞士鸡翼，外表太甜，尚算入味，可是有一两只中间仲冻冻地，未够热。大体都几好，不愧系香港出名既茶餐馆，品质唔会太差，值得佢咁出名。