T-Parc (已結業)

经过尖沙咀海港城city super，发现门外有个靓靓嘅档口，原来系tprac嘅pop up store。睇餐牌见饮品款式都几多，主打清新嘅花茶系列，有别于大家经常喺街边见到嘅珍珠奶茶，充满新鲜感。两小口行街行到又攰又口干，心郁郁试咗期间限定的花茶同招牌奶盖茶。梦游仙境茶饮主要用上桂花、薄荷、菠萝同绿茶调配而成，茶底比较清淡所以薄荷同菠萝味相对突出，饮落凉浸浸仲有啖啖菠萝果肉食，绝对是夏天消暑佳品。伯爵玫瑰奶盖茶芝士奶盖整得好厚好挺身，面头放上玫瑰花瓣装饰点缀，卖相好精致。奶盖口感幼滑，芝士够香，奶味亦都浓郁，主角伯爵茶味清新带淡淡玫瑰花香，味道不错啊！