香港永年車仔麵茶冰廳

营业中

休息中

初三去沙田唔系去揾车公，而系食呢一个本地情怀车仔面。睇咗某电视台做嘅茶餐厅节目，令到成家人更加想趁好嘅茶餐厅喺度嘅时候是多啲去食多啲。今日拣咗呢间系因为佢排名高，叫咗一个女神面、两个大碗面，其中一个加咗甜酸斋同埋BB辣，嘢饮当然要试吓佢嘅冻、热奶茶。我叫咗河粉底，非常非常开心，因为佢幼身而唔会断，自从十几年前喺天后某清汤腩舖头食到啱口味嘅河粉之后，今次系第二次再遇到食得开心嘅河粉。屋企人问我呢度啲河粉好食定文记𠮶d好食，我比较唔到，因为叫文记十几次都系外卖，送到屋企啲河粉已经冇堂食咁嘅texture。整体味道十分满意，屋企人则希望汤底再浓一点，我就啱啱好。热奶茶入口唔觉得饱滞，冇「浪」胃，唔知系咪好似金茶王咁用植物淡奶。menu有其他地道comfort food, 食完个车仔面已经太饱，下次先食。