影片
更多
2021-06-17
1247 浏览
講到中環歌賦街，廣為人知既會有排長龍既米芝蓮牛腩麵，又有旅客最愛既鐵皮屋番茄麵同奶油脆脆，但其實係呢條街既角落，都有一間深藏不露，堅持手做既本地朱古力既小店。呢間Hakawa Chocolate係一間人手烘焙朱古力店，自設小型朱古力工場。係幾年前，兩個同樣喜愛烹飪既店主想做小生意，之後佢地係斯里蘭卡搵到有機農場既可可豆，參考唔小相關既書籍自學做朱古力，又去斯里蘭卡視察可可農莊，用一年時間試驗，之後就膽粗粗係中環開左這一間小店，目標係想做一啲Real Food，想炮製純正既朱古力，因為自己做，知道成分、材料來源，飲得會安心。斯里蘭卡既有機可可豆園，因為農田都採用輪耕制，令可可吸收唔同養份，味道更富層次，二黎向斯里蘭卡可可豆農民買入可可豆，可以免除中間人既費用之餘，又可以直接幫助農民。。兩位女店主實行Bean to Bar既概念，親自烘焙、敲豆、磨漿二十幾個鐘、篩選、精煉、調整朱古力成分、倒模做朱古力磚、打粉做飲品或者調溫做朱古力，一手包辦，每塊巧克力磚都會係室溫熟成三個月，再進一步做成產品，產量好小，所以淨係做零售。店鋪採用黎自斯里蘭卡既有機可可豆園既可可豆，供應74%同100%朱古力飲
講到中環歌賦街，廣為人知既會有排長龍既米芝蓮牛腩麵，又有旅客最愛既鐵皮屋番茄麵同奶油脆脆，但其實係呢條街既角落，都有一間深藏不露，堅持手做既本地朱古力既小店。
呢間Hakawa Chocolate係一間人手烘焙朱古力店，自設小型朱古力工場。係幾年前，兩個同樣喜愛烹飪既店主想做小生意，之後佢地係斯里蘭卡搵到有機農場既可可豆，參考唔小相關既書籍自學做朱古力，又去斯里蘭卡視察可可農莊，用一年時間試驗，之後就膽粗粗係中環開左這一間小店，目標係想做一啲Real Food，想炮製純正既朱古力，因為自己做，知道成分、材料來源，飲得會安心。斯里蘭卡既有機可可豆園，因為農田都採用輪耕制，令可可吸收唔同養份，味道更富層次，二黎向斯里蘭卡可可豆農民買入可可豆，可以免除中間人既費用之餘，又可以直接幫助農民。。兩位女店主實行Bean to Bar既概念，親自烘焙、敲豆、磨漿二十幾個鐘、篩選、精煉、調整朱古力成分、倒模做朱古力磚、打粉做飲品或者調溫做朱古力，一手包辦，每塊巧克力磚都會係室溫熟成三個月，再進一步做成產品，產量好小，所以淨係做零售。店鋪採用黎自斯里蘭卡既有機可可豆園既可可豆，供應74%同100%朱古力飲品，另外仲有手製既朱古力，之前仲有推出過辣椒朱古力，入面會有牛角椒、指天椒、野生生椒、二荊椒。呢間小店靠自家製既朱古力，曾經被加拿大最大報社《環球郵報》評為全球五大朱古力，連藝人黃秋生試過都大讚，買走一大堆朱古力，身為香港人，唔止覺得驕傲，仲應該親力親為一試呢個咁架勢既朱古力。
我會知道呢一間店，係因為女朋友情人節送嘅朱古力，正正就係黎自一間小店，以前其實已經聽過佢個名，但以前仲未咁識食同周圍去，經過時間已經唔記得咗依一間小店，直到情人節收到朱古力先令我記起佢。
店舖雖然位置山旮旯，但每次去到都有好多人慕名以來，究竟佢哋住喺附近嘅街坊，定係真係同我一樣山長水遠一試佢哋朱古力？去一間小店要非常誠心，因為基本上搭車好難經過嗰度，有兩種方法行過去，一就係時間快啲不過要行幾十級樓梯，另一條路就係行斜路上去，夏天行上去都真係會汗流浹背，而且店舖非常之細，室內只可以容納到一個人，落完order基本上就出返去，唔出返去第二個人根本入唔到你，冇位置俾你坐住等，而且室外嘅位置陽光非常普照，唔會有樹陰俾你可以乘涼。店舖雖細，但係五臟俱全，而且幾有格調，以黑白、水泥為主調，走文青簡約風，店外會有一張木系高枱，上面擺咗盆栽，唔知係咪特登俾人攞嚟影相打卡。
我前後去過兩次，有一次諗住買朱古力比女朋友飲，去到一點幾，佢話要等半個鐘先有，時間緊迫所以冇買到，到第二次咁啱喺港島食嘢，知道女朋友一直想試就提早出去買俾個驚喜佢，其實去到係差唔多兩點，但今次佢話等10分鐘就得，偷偷地見到佢個order list，我嘅前面應該有八杯朱古力整緊，所以10分鐘可以整到第八杯朱古力速度都幾快下。
-
1️⃣ 74% Iced Chocolate (Soy)💰45（👅: 8.5/10）
朱古力有得揀用milk(全脂奶)、soy milk(豆奶)、almond(杏仁奶)同Oat(燕麥奶)去沖，朱古力有分74%同100%濃稠度，即係有糖同無糖嘅分別，前者加左有機蔗糖，後者唔加糖令果酸味更突出，店主話100%會好似齋啡嘅感覺，朱古力全部都係用原豆手造可可黎沖，所以好啱健康或者純素人士飲用。
店員有細心提醒佢哋嘅朱古力係會帶少少酸味，我估可能以前有人投訴佢哋有酸味係咪變壞左所以每次買佢哋都會有講。
74% Iced Chocolate
$45
29 浏览
1 赞好
0 留言
Ice Chocolate都係少冰，本身沖出嚟係熱嘅，加咗少少冰變成ice chocolate，到真係攞上手啲冰基本上溶哂，所以朱古力飲落唔會好水好淡。
呢度所朱古力都係人手沖，我呢杯係用荳奶去沖，朱古力上既泡沫濃厚，厚身又幼滑，朱古力味好香，飲落味道非常之濃郁，飲得出係用牛奶沖出嚟嘅朱古力，味道偏fruity，同時間飲得出可可豆本身嘅果香同埋酸味，會諗到果酸出邊既朱古力真係冇咩點飲過，酸度完會提升呢杯野飲既層次感，朱古力整體係偏甘香而唔係死甜嘅味道，飲完喺口腔停留嘅係朱古力本身嘅小小苦澀味，如果平時食慣黑朱古力會接受到呢種酸度苦度完全接受到，甜苦味balance得幾好，非常容易入口，飲完都唔會覺得膩，而且會飲到有朱古力碎，口感層次豐富，與其話係飲朱古力不如話係品嚐緊、欣賞緊呢一杯朱古力，鍾意朱古力嘅人一定會鍾意。
-
2️⃣ Gift Box 💰69（👅: 8/10）
Tasting Box
$69
96 浏览
1 赞好
0 留言
朱古力都係手製，工序繁複，但價錢平民，店主將朱古力磚放入調溫機，用大約攝氏50度溶化，再用大約攝氏30度放出朱古力漿，為左做到啪一聲既效果。
Tasting Box
$69
73 浏览
2 赞好
0 留言
Gift Box入邊會有兩種朱古力，分別係杏仁朱古力、黑朱古力，都係依間小店自家製嘅朱古力。
Tasting Box
$69
15 浏览
1 赞好
0 留言
杏仁出邊會有啲焦糖包住，再出邊就係朱古力，食落唔會好甜，會有朱古力既苦澀味，咬落酥脆帶焦香，出面既可可粉更添層次，食完完全冇罪惡感。
Tasting Box
$69
29 浏览
1 赞好
0 留言
Tasting Box
$69
17 浏览
1 赞好
0 留言
-
🌟朱古力同連鎖嘅咖啡店價錢差唔多，但飲出嚟嘅質素完全冇得比，無論係小嚼一杯朱古力、定係情人節禮物，都屬佳品。不過我覺得朱古力同奶茶一樣，要熱飲先飲到真正既香味同味道，不過夏天飲實在太熱，留返冬天再試熱朱古力。
店主服務非常好，因為會好細心講解每一種產品，會介紹我邊一種產品會比較受歡迎值得推介，而且會好清楚咁落order，問清楚你想要咩朱古力。而且邊等野飲邊可以第一次睇到係香港製造既小工場，由可可豆到朱古力到送到我手中，感覺去左參觀一個小型朱古力廠。
見到店主咁細心講解，隨左係專業之外，睇得出既就係堅持，佢地點都無諗過堅持加實踐，可以得到香港人、甚至世界既肯定，個個人都有夢想，但真正加以實踐有幾多?香港人絕對唔可以睇小自己，因為只要對一件事有執着，就好容易成功。Kakawa 係某地方言解朱古力既意思，"Hakawa" 就係Hong Kong 加Kakawa 既意思，呢一間小店，絕對係香港朱古力既佼佼者。
-
👅味道: 8/10
🍴環境: 6.5/10
💰消費: $45 (服務費: NA)
张贴
