中村藤吉香港店 (已結業)

大家都成日讲起呢间抹茶甜品店，今日我终于有机会嚟试下啦！其实 miramall 楼上都有间备座位设置嘅分店，原来系好早 9pm 就关门，食咗闭门羹添！我哋今日咁啱都好想好想食抹茶嘢，所以走咗去地下嘅另一分店。地舖主要系外卖嘅，只系近门口位置有张小枱仔，但系无座位嘅。呢度反而售卖周边商品为主，一大堆唔同种类嘅绿茶呀，饼干呀等等。而且全部都系日式礼盒包装，靓到爆！讲返我哋食咗啲咩？咪就系抹茶金刨冰，咁就当然系抹茶口味啦（其实仲有培茶口味可以选择嘅）！刨冰大大杯，所以价值 $65 一杯都可以接受啦！面头系我最期待嘅抹茶软雪糕，佢配有 mochi 同埋红豆蓉。软雪糕好浓滑，mochi 咽咽靭靭，而红豆蓉同刨冰有又有咬口。抹茶味道清幽，又唔会太苦涩。最估唔到系食到底部都仲有抹茶酱，唔驶食到尾后得返啲刨冰咁可怜。