海宴樓 (已結業)

一家人出黎食饭，黎左电视介绍过嘅海宴楼，见讲得咁正，梗系要亲身试下啦。前菜小碟同辣酱～先叫个杏汁猪肺汤，一开盖而闻到好强列嘅杏仁味。汤清不腻，杏仁味超浓郁，好饮！几多汤渣，洗猪肺好多功夫㗎，食多几旧先。店长堆介嘅本地海胆，哗哗，上枱仲郁紧，未见过本地嘅海胆呀，真系见识少添。要左一人一只，好新鲜！好鲜甜，同雪过嘅差天共地，好正！电视介绍过嘅车蚝，正正正。虽然叫蚝，但其实系元贝黎，淡黄色，鲜甜唔韧，好正。仲有本地青口，又系未见过添……清蒸，原汁原味。虽然唔系好大size，但胜在好新鲜，好鲜甜呀！仲叫返碟菜，鱼汤艇皇浸菜苗，劲多料去浸，又系劲鲜甜，饮哂啲汤汁。食左咁多海鲜又叫返碟肉先，好耐无食过片皮鸭，见隔离枱好正咁，又试下先。推出黎热辣辣，好香呀，见阿姐手起刀落好快就片好一碟。靓！正！蒸皮～皮加鸭加葱同青瓜，再加少许酱汁。包好食得，鸭肥美肉嫩，葱香，酱甜，好味！食到一半嘅鸭又上鱼了，唔觉唔觉原来叫左好多野下青蒸石班，都系本地架㖞，火候刚刚好，鱼熟但唔过老，十分嫩滑，鲜甜，好正，咁好味要捞饭了。劲好下饭，食左一大碗！必备嘅酒楼甜品，红豆沙，几好，唔过甜。全部野都好好味，侍应意外地好礼貌，好少