樂園魚旦專家 (協和街)

营业中

休息中

观塘协和街𠮶边都有好多嘢食，今日就食咗一间喺度开咗好耐嘅鱼蛋粉专门店，见到其他地方都好似有分店，但系一直都未食过，今日试完，觉得都好有香港地道风味，味道都正宗，份量同价钱都合理。虽然地方唔系好大，但系都唔会话坐得好迫。楼面姐姐都好有效率，食呢啲传统粉面出名就系上菜够快！首先叫咗一碗鱼蛋米腩汁多葱，叫多葱真系好多葱！鱼蛋同鱼片都好爽蛋鲜甜，传统嘅鱼蛋面汤底加腩汁味道都好够浓，如果食得辣嘅朋友，都可以试吓佢哋嘅辣椒酱都几辣下㗎🤣另外就叫咗个双拼河粉，拼咗牛肚同云吞，云吞好大粒，牛肚份量都好多！河粉唔会太腍都仲有少少口感，双拼几抵食。冻柠茶走甜少冰香港地道茶记饮品，茶底都几香，少甜就真系少甜，唔会太甜。热华田华田自己落砂糖，可以自己控制甜度。