居食屋「和民」 (已結業)

set lunch $48 味噌汤+沙律+三文鱼生饭+餐饮咁o既价钱有鱼生饭食都唔期望好好，味道okay; 但portion 以set lunch o黎讲唔太够；同枱女生见到都话俾著佢地都唔够饱。早知叫个猪排定食。味噌汤微暖...同枱有人食海鲜石头锅饭定食，同样地份量都系细左d，女仔都只系o岩o岩够。沙律o系食完晒d main course & 餐饮饮左一半先上，唔讲以为咁型用沙律做甜品。落得太多和民沙律汁，太浓味。沙律都系清清o地好。最恐怖系个冻啡，一睇d颜色已经唔对路，望落以为系红茶。冇淡奶，被迫加coffee mate；沟水咖啡+奶粉，加倍难饮。顶唔顺换过杯讲明要浓d，到头来一样系咁。呢杯系本少爷史上第一杯饮唔晒o既餐饮。饮啖热茶好过。服务其差。问侍应要杯热茶就去左计数，到放弃杯茶想落order就串咀话斟紧水。鱼生饭用碟上但唔俾匙羮，可能系我唔识用筷子，食得好辛苦。餐饮漏单追3次先有反应，但埋单就极速。