影片
更多
2010-01-27
223 浏览
是日同前老细补farewell，同场六人，三男三女大擦海鲜餐~一行五人迟到，所以去到见前老细一个人食紧前菜(应该系卤水鸡翼尖)....大家坐低之后不停倾计....大概倾咗三个字，我忍唔住建议前老细去选海鲜....呢个重任由我同二秘书加前老细....搅掂~~正题如下:-新鲜白灼虾 - 以我一向唔太喜欢白灼虾嘅人都话佢超鲜甜...肉质弹牙...虾壳本身比平时食开啲白灼虾硬好多，所以好易搣，我平时唔食今次都食...咗几只~~~蒜蓉粉丝蒸元贝 - 不嬲元贝呢啲系食新鲜...如果个蒜蓉粉丝味唔系特别难食，只元贝唔蒸得过熟，都系可以顺利过关。清蒸新鲜老虎班仔 - 系成晚我觉得最值回票价嘅一味，鱼肉嫩滑夹鲜，火侯蒸得啱啱好，所以我今次连个鱼头都搅掂埋。姜汁炒芥兰 - 又系啲先烚后炒贷式，仲要鬼咁油同冇姜味。豉椒炒圣子 - 爽脆弹牙，都几鲜甜，尚可。蛋白花雕蒸蟹 - 蟹肉散，冇膏，蛋白好似蛋花咁，碎湿湿，最币仲要系完全食唔到蟹味，因为呢啲连我系好酒之徒都觉得酒味重得离谱，所以大家好快...唔系食晒，系放低晒。生炒骨 - 一般货仔，份量少。辣酒煮花螺 - 螺SIZE细，都新鲜甜美，个辣酒几好，酒味同辣
一行五人迟到，所以去到见前老细一个人食紧前菜(应该系卤水鸡翼尖)....大家坐低之后不停倾计....大概倾咗三个字，我忍唔住建议前老细去选海鲜....呢个重任由我同二秘书加前老细....搅掂~~
正题如下:-
新鲜白灼虾 - 以我一向唔太喜欢白灼虾嘅人都话佢超鲜甜...肉质弹牙...虾壳本身比平时食开啲白灼虾硬好多，所以好易搣，我平时唔食今次都食...咗几只~~~
蒜蓉粉丝蒸元贝 - 不嬲元贝呢啲系食新鲜...如果个蒜蓉粉丝味唔系特别难食，只元贝唔蒸得过熟，都系可以顺利过关。
清蒸新鲜老虎班仔 - 系成晚我觉得最值回票价嘅一味，鱼肉嫩滑夹鲜，火侯蒸得啱啱好，所以我今次连个鱼头都搅掂埋。
姜汁炒芥兰 - 又系啲先烚后炒贷式，仲要鬼咁油同冇姜味。
豉椒炒圣子 - 爽脆弹牙，都几鲜甜，尚可。
蛋白花雕蒸蟹 - 蟹肉散，冇膏，蛋白好似蛋花咁，碎湿湿，最币仲要系完全食唔到蟹味，因为呢啲连我系好酒之徒都觉得酒味重得离谱，所以大家好快...唔系食晒，系放低晒。
生炒骨 - 一般货仔，份量少。
辣酒煮花螺 - 螺SIZE细，都新鲜甜美，个辣酒几好，酒味同辣味啱啱好。
小插曲 : 事源有位待应阿姐过嚟收碟，企喺出菜位，跟住佢唔小心撞泻咗其中一位男士杯啤酒，点知佢即时瞪大对眼望住我，好似我整泻咁，佢系企喺我同个男士中间，点讲我都冇可能整泻，全枱人眼见咁嘅情景，都莫名其妙，佢仲要全程好似好无辜咁，连"唔好意思"说话都冇一句，简直劣呀~~
张贴
