愛民海鮮酒家

营业中

休息中

屋企人有朋友住流浮山，可以预先帮手拣海鲜，所以每几个月就会去流浮山食海鲜。而每次都会去爱民，因为平靓正，服务好，但环境比较逼，渔村酒家feel。今次一行六人，同学聚会。 本湾奄仔蟹：主角登场！今次就系为佢而嚟。盐焗，多膏，蟹肉鲜嫩，正！我哋每个都食到停唔到口。象拔蚌刺身：口感鲜嫩、爽脆，唔错！象拔蚌泡饭：将象拔蚌个胆煮泡饭，好鲜甜，一定要落胡椒粉先好食。盐焗花螺：新鲜，咸香入味。炆鱼：外脆内香，炆得恰到好处。椒盐濑尿虾：好大只，好多肉，好香口，好鲜甜，色香味俱全，正呀！蒜蓉粉丝蒸扇贝：味道正常，口感都算嫩滑，冇乜特别惊喜。上次母亲节嚟食，人多厨师水准keep唔到，今次平日嚟keep到水准，碟碟都好精彩，下次识拣时间了。