影片
更多
2019-02-20
516 浏览
啱啱喺附近做完嘢， 突然间想食面。。 就醒起尖沙咀呢度附近有一间出名嘅车仔面舖， 但系平时都好多人排队， 所以一路都冇试过。 加上心谂， 已经就嚟三点， 相信已经冇咩人龙， 所以就行咗去食 去到门口， 估唔到2点几仲有人排队！！ 但系人龙唔算长， 所以照排。 望一望menu， 三𩠌一面 $41， 另外再加𩠌就另外加$8！ 有选择困难症嘅我， 最后拣咗佢个$65大碗面， 一共有10个𩠌 另外再配多一杯新出嘅抹茶红豆冰 （ 原价$25， 跟餐 $15）。 所以最后埋单 $80， 对我嚟讲午餐呢个价钱都唔算平， 已经系平时出面食一碗面嘅2倍 但系值唔值得要食过先知！等咗一分钟左右就有面攞啦！ 呢度系全自助， 所以要自己走去攞 听讲呢度辣汁出名， 所以都有嗌小辣。捞一捞啲面之后就会见到全部𩠌， 有 萝卜 ，猪红，鸡翼， 土鱿， 猪肠，鱼蛋 ，鸡翼尖，红肠 ，猪皮 ，菜心。 分量好够多！萝卜好甜好正， 3旧 ，冇渣！我平时唔钟意食猪红， 成碗有五六旧， 但系佢嘅猪红一啲都唔腥， 反而仲甜甜地， 有少少挂佢哋𠮶啲辣汁， 好味！鸡翼虽然得一只，但系大只。土鱿三四块，够爽，唔会咬到牙都甩 但系个人
去到门口， 估唔到2点几仲有人排队！！ 但系人龙唔算长， 所以照排。 望一望menu， 三𩠌一面 $41， 另外再加𩠌就另外加$8！ 有选择困难症嘅我， 最后拣咗佢个$65大碗面， 一共有10个𩠌 另外再配多一杯新出嘅抹茶红豆冰 （ 原价$25， 跟餐 $15）。 所以最后埋单 $80， 对我嚟讲午餐呢个价钱都唔算平， 已经系平时出面食一碗面嘅2倍 但系值唔值得要食过先知！
大碗面（小辣）
$65
40 浏览
0 赞好
0 留言
等咗一分钟左右就有面攞啦！ 呢度系全自助， 所以要自己走去攞 听讲呢度辣汁出名， 所以都有嗌小辣。
大碗面
$65
47 浏览
0 赞好
0 留言
捞一捞啲面之后就会见到全部𩠌， 有 萝卜 ，猪红，鸡翼， 土鱿， 猪肠，鱼蛋 ，鸡翼尖，红肠 ，猪皮 ，菜心。 分量好够多！
萝卜好甜好正， 3旧 ，冇渣！
我平时唔钟意食猪红， 成碗有五六旧， 但系佢嘅猪红一啲都唔腥， 反而仲甜甜地， 有少少挂佢哋𠮶啲辣汁， 好味！
鸡翼虽然得一只，但系大只。
土鱿三四块，够爽，唔会咬到牙都甩 但系个人就觉得冇乜味， 所以不过不失。
猪肠卤得入味， 有六条， 亦都剪得唔细， 唔同外面𠮶啲车仔面舖咁， 剪到劲细就当系一样𩠌
鱼蛋都有几粒， 系陈皮鱼蛋， 但系陈皮味唔会太重， 够弹牙！
鸡翼尖， 有两只 ，同鸡翼一样嘅味道， 同样都系卤水 ， 就算浸咗落汤都仍然好入味！
红肠， 两块， 同平时红肠味道差唔多。
猪皮就有两大块， 好爽 好挂汁！！
菜心就一条帮你点做三块， 一口过嘅size ，都几细心
虽然佢啲辣汁又真系几好味， 但系我嗌咗少辣都觉得有少少太辣， 可能下次我会嗌返微辣， 食得舒服啲。
食咗四分三之后已经觉得有啲饱， 啲𩠌多到好似食唔完咁 个抹茶红豆冰都唔错！ 唔会太甜， 亦都足够我解辣😂
整体嚟讲， 呢间车仔面唔算系市面上最平𠮶间， 但系食物质素唔错， 个份量亦都对得住价钱 😂 我会返嚟再食！
张贴
