元札幌拉麵 (宇晴軒商場) (已結業)

咁岩喺荔枝角𠮶边行完D2 Place，朋友就话有另外一个商场有嘢食，仲话系食日本野，就即刻应承咗过去睇睇。感觉好似日式的居酒屋，仲有好多多啦A梦摆设，睇嚟老板系一个多啦A梦迷。餐牌选择都多，我就比较钟意食鱼生，而且唔钟意谂，所以拣咗个定食套餐，里面有好多款式嘅嘢。极上杂锦鱼生饭定食$128你会见到有好多款式唔同嘅鱼生，包括三文鱼，赤虾，帆立贝，吞拿鱼蓉，油甘鱼等等⋯新鲜度也OK，最主要白饭系上面加咗啲芝麻，令个饭冇咁dry！配以酸萝卜，蟹子沙律，茶碗蒸，味增汤～蟹子沙律个size都几大，好开胃；茶碗蒸甜味十足，里面仲有啲鸣门卷等等；味增汤味道适中，唔会太咸，好啱口味！同埋包埋罐装汽水，如果拣波子汽水𠮶啲就要另外加钱，不过就算唔加其实都有茶提供！之后发现埲墙上面有一个吉列牛套餐，下次试吓先。