漢堡餅店 (已結業)

唔记得边日, 系学校补完课, 要去中环揾textbook, 经过谂起有唔少人话呢度o既朱古力挞好味, 于是就买左个试下, $2.5, 都几大个下, 就份量睇都几抵食。不过味道比想像中差, 可能之前睇得太多赞佢o既食评, 以为佢真系好好好好味。面头个朱古力皮都几有朱古力味, ok; 但系入面就差少少, 我睇佢个样似系蛋糕, 但系就好湿, 除非我误会左佢, 其实佢唔蛋糕, 否则就真系差左少少; 个底都系腍左dd, 我suppose佢应该系有好大pat o既chocolate sauce/cream, 点知原来冇, 叫朱古力挞少少怪, 因为佢又唔系用酥皮, 只系成个都系蛋糕, 底下有个饼底咁。叫朱古力蛋糕批会好d啰。不过讲返转头, 朱古力味好似唔太够, 但系我要讲明, 我系偏爱dark chocolate, 越苦越钟意果只, 可能系佢偏甜令可可浓低左挂。