Godiva Chocolatier (已搬遷) 新店位置

呢间既朱古力饮品出哂名系好好饮，今日终于有机会试下啦。一去到就谂下饮咩味，原味朱古力定牛奶朱古力。谂下谂，都系饮原味，因为原味既朱古力会好饮。一落左单等左差唔多五分钟，见个店员将朱古力粉加冰再加埋朱古力，之后放入搅拌机搅拌，美味既朱古力饮品就完成啦。虽然真左几耐，但见店员咁俾心机整，等耐都值得既。原味朱古力饮品呢杯野好似一件精美既艺术品，做得好靓加埋上面cream，简直系一流。我饮落去，觉得有沙冰沟埋落饮品到，但又唔会将原本既朱古力味沟淡。呢个现象系由饮第一啖直至最后一啖既。朱古力味好够浓，杯野又唔算太甜。试过呢次，我好肯定会有下次，因为阵朱古力味好够浓之余，又够结实。我觉得一分钱一分货系对既。以朱古力饮品系好饮过星巴克既。下次试下牛奶朱古力饮品。