影片
更多
2012-08-14
333 浏览
虽然系九龙人，但一向都唔多出嚟旺角蒲，因为咩时候都系太多人，唯独想买波鞋就会走过嚟逛逛，睇睇有咩心水。行完波鞋街，又顺道行埋女人街，嚟到西洋菜街尾，走入百老汇睇手机兼过冷河，外面炽热高温真难顶。嚟到银城个地库商场，有好多细铺，一落扶手电梯对正系间买杯子蛋糕（cupcake），一柜都系，成十几款，颇为吸引。行入少少见到间卖冻饮专门店，攞起啲单张睇睇，几吸引，大热天时叹杯冻饮就最实际。见佢仲卖埋小食、厚多，咁就真系啱晒喇，行到有啲饿，整多份厚多当下午茶，食完先返归啦。朱古力胚芽可可 $17 / $18饮品方面都有几多选择，亦有啲较特别嘅产品，更有一埋人气推介，经店员介绍，拣咗朱古力胚芽可可，以朱古力粉加唂咕粉开冲，再洒上胚芽，份量分两款，大杯700ml 卖$17，至尊750ml则卖$18，我手执依杯就系至尊份量。可可味浓郁，又够冰冻，胚芽口感好似加咗麦片咁，大大杯的确几抵饮。同个店员倾多两句，佢话近期人气仲有雪沫系列，因为系独家嘢，所以几多人试，尤其薄荷味，好清爽，夏天至正；不过，我就钟情焦糖唂咕雪沫，下次再嚟要试吓先！厚切双层多士 $15见到好似几正，我又点埋一份。厚切双层多士分为原味（
嚟到银城个地库商场，有好多细铺，一落扶手电梯对正系间买杯子蛋糕（cupcake），一柜都系，成十几款，颇为吸引。行入少少见到间卖冻饮专门店，攞起啲单张睇睇，几吸引，大热天时叹杯冻饮就最实际。见佢仲卖埋小食、厚多，咁就真系啱晒喇，行到有啲饿，整多份厚多当下午茶，食完先返归啦。
朱古力胚芽可可 $17 / $18饮品方面都有几多选择，亦有啲较特别嘅产品，更有一埋人气推介，经店员介绍，拣咗朱古力胚芽可可，以朱古力粉加唂咕粉开冲，再洒上胚芽，份量分两款，大杯700ml 卖$17，至尊750ml则卖$18，我手执依杯就系至尊份量。可可味浓郁，又够冰冻，胚芽口感好似加咗麦片咁，大大杯的确几抵饮。同个店员倾多两句，佢话近期人气仲有雪沫系列，因为系独家嘢，所以几多人试，尤其薄荷味，好清爽，夏天至正；不过，我就钟情焦糖唂咕雪沫，下次再嚟要试吓先！
厚切双层多士 $15见到好似几正，我又点埋一份。厚切双层多士分为原味（即系奶油）、花生酱、蓝莓同朱古力，花生酱平时成日食，所以要咗朱古力，厚多即叫即做，不过都唔使等太耐，因为要烘，都系等几分钟。我以为朱古力味就净系加朱古力，原来先搽牛油，再唧朱古力浆同炼奶，两片厚多夹为一份，$15都算得上抵食。由于面包稍稍烘脆，朱古力浆又劲多，多到漏呀，所以都几正！顺提一提，事后专灯问番个店员贵姓，因为份人好有礼貌，声线温柔，又够细心，提我食时折起个袋尾，以防漏浆，佢个名字？叫阿香！依家都好少见啲后生女咁有礼貌架喇。
张贴
