麥當勞

营业中

休息中

前日本来要补习，不过去到学生屋企楼下先话取消，无奈。刚好朋友仔搭紧地铁，佢讲入黎陪我，所以我就先去M记等佢。首先要杯冻咖啡，因为果度真系好鬼焗，似系无开冷气。因为我系叫左杯野等埋朋友仔黎先饮，隔左3个字，D冰融晒，成杯都好水，所以感觉唔良好。后尾见垫盘张广告纸话又出shake shake薯条同麦乐鸡新酱汁，所以要9件鸡套餐(和风紫菜粉+honey mustard酱+热带菠萝芝麻酱)。其实薯条鸡同汽水无咩野好讲，所以今次只讲酱。honey mustard因为上次有出试过几好先再叫。至于热带菠萝芝麻酱本身唔系我选择之内，不过朋友仔想试，加上另一款又系芥辣，所以先拣呢个。唔拣由自可，一拣就死火。哗，超难食，一撕开面头张纸已经见佢杰他他有点呕心，摆落口只系食到烂菠萝既味，所以食一次就唔想再掂。