杏甜品 (香檳大廈) (已結業)

喺尖沙咀行街行到攰，想坐低歇下脚，见到有甜品舖就啱哂，而佢就系近期新开嘅「杏甜品」☺️，之前已经Bookmark咗想食。由于系黄昏五六点时间，所以食甜品嘅人唔多🙈，咁就可以慢慢食，唔使惊阻住人哋啲位。餐厅环境几舒服，装修行小清新路线，让人放松🌿。小店主打港式甜品🇭🇰，涵盖传统糖水以及新派款式，价钱稍贵，但考虑到店舖位置都能理解嘅。小店采用QR code落单，而客人亦要先付款，如果无网上支付工具，就要去柜枱俾钱喇。杏仁茶炖蛋白($55)，佢系呢度嘅首席招牌🌟，质素果然无令人失望。甜品散发住好香嘅杏仁味，杏仁茶浓稠度适中，最重要系够晒热辣辣。杏仁茶下低系炖蛋白🥚，质感滑溜，不乏蛋香，整个甜品组合好搭调，而且系低糖，健康之选。龙眼爽冰($55)，依款甜品似曾熟悉👀，系多年无食、令人怀念嘅味道。爽冰真材实料，用上大量龙眼肉打成，所以入口并非普通刨冰般咁易溶🍧。佢配以椰果同水晶珠食，口感变得丰富。如果夏天食佢一定超正，够晒消暑嘛。蜜瓜吸吸($42)，甜品以外，小店亦提供饮品，而佢哋全部均系同水果有关，我哋就拣选咗蜜瓜🍈。瓜种来自海南岛玫珑瓜，甜度高，但天然。饮品带有椰香，吸啜到果肉同Q弹烟韧粒粒。