茶木‧台式休閒餐廳 (杏花新城) (已結業)

放假無咩野做，帶住小朋友由柴灣散步至杏花村，去了茶木食個下午茶！當然一定要點返個厚多士啦！今次我地食芒果味，三層的多士，其實都好多！面上的芒果雪糕好好味，仲有cream、生果、棉花糖粒粒、芒果醬，夾在一起吃非常正！但今次的多士有點燶，影響左少少味道，但入便就ok, 都好有蜜糖香味同脆身！飲品是抹茶紅豆，見呢排度度都出抹茶產品，第一次點呢個，少少偏甜，紅豆蜜好綿！抹茶味都幾香～女生都會喜歡的！兩大一小的下午茶，份量剛剛好，不算多人，可以坐耐點都得！要是去旺區就未必可以坐這麼久了！