茶木‧台式休閒餐廳 (杏花新城) (已結業)

用餐資訊: 17/1/2024 16:03~17:041. 服務欠佳 : 入坐後沒有提供水，Qr code都冇俾，知到客人入坐，各侍應都懶理唔主動。漏單問題嚴重，得3台客都可以漏單，追單時所有侍應(當時有3名侍應上班)都發呆，唔睇清楚客人落既單，仲要唔相信自己漏單，到出餐時又上錯餐，叫了沙朗刈包，出咗照燒雞朳。店員唔主動服務客人，3個人返工1個匿埋咗，1個坐到老遠搵佢唔到，得返1個侍應做野。2. 食物質素參差 : 刈包硬過石頭，差過一粥面，塊雞朳得4cm x 2cm大，完全不值。香菇麵線完全咬唔落口，一大團痴埋一堆，完全不是台灣風味。勸大家唔好去幫襯，真係用錢買難受。

假如大牌子的產品是如此令人覺得非常之不值得！首先用QR code 就等於冇服務態度！求求其其！等咗成20分鐘居然出現－份難食兼好咸的豬扒，其實巳經開業多年仍然這樣質素！粉漿比豬扒更多厚度！米粉也是還可以！但是加埋一齊就好咸

侍應服務態度超級差，如果你哋想食餐晚飯都好受氣嘅話，就即管嚟依間茶木度試吓啦，雖然食物味道係幾好的，但我係嚟食飯唔係嚟受氣嘅，尤其係嗰個齊陰扎辮嘅女侍應，一啲禮貌都無，仲要俾說話我聽。我唔想再講番今晚發生嘅遭遇了。總之如果各位想受氣嘅話，就即管去試吓啦。除非你哋嚟到只係自己用電話落單，食完就走。千其千其唔可以有任何要求，譬如攞牙籤或要求換碟，如果唔係就會受到黑面或俾說話你聽嘅，氣，受。

以前茶木開到成行成市成日想食都要排隊😵但隨着越來越多台灣餐廳開張比較之下覺得茶木變得失色🙈價錢偏貴但質素不過不失環境係唔錯 幾岩同朋友傾計但想食台灣菜嚟講有其他選擇🙊

今日來到杏花邨，心思思想試韓國野但又想飲奶茶，掙扎左一陣之後最尾就揀左茶木我食個時就是lunch time,有得食lunch menu,會更抵，因為是正價價錢但免費跟一杯餐飲，有紅豆薏米水，冬瓜茶etc揀，但我實在太想飲奶茶，就另外加左9蚊 轉做凍既芋香奶茶我揀左新出既麻辣拌面配半筋半肉餐，但留意番呢個套餐跟既係肥牛片，如果想食牛腩既朋友要留意下啦 跟餐有隻糖心蛋，好好食，鴨血一舊，寫住台灣直送，ok la，素鴨本身個人就一般既跟住我總加左22蚊，加配左個芋圓豆花但成兜野只有2粒芋圓但都有仙草同豆花加啲愛玉味道其實ok,只係少啲配料希望keep住水準，因為地點都就腳，近地鐵站會再幫襯，哈哈😆

We were appointed to sit down and order the food by the QR code with bad attitude. My wife and I ordered food and her came 6 or 7 mins later. My was never came until I asked. I waited 30 mins for my food. What a disappointment. More over, I ordered the deep fried chicken noodles and I got a deep fried pork chop noodles. I, of course, asked and they showed me what they have in the system. I will never come back here again.

今日去左杏花邨分店食，叫了下午茶的台式蚵仔煎，完全唔一樣不知道是否我的見識少，還是廚房出錯。幸好服務員態度10分好，幸好願意換取另一個套餐給我。（我聽到廚房踢晒腳，都明白的）

好耐冇食過茶木，今日經過就嚟食午餐🤣❣️鹽酥炸雞扒手作面配台式酸梅冰 $74（須加一服務費）炸雞扒仍然保持多汁，但略嫌油膩，手作麵份量唔多，但係有咬口，湯底同牛肉麵嗰個一樣，味道唔算好濃郁🤪👅好味度：7.5（10分滿分）

其實呢間嘅食物可以話係不過不失，間中都有啲好嘢。我今日就竟然試到一樣好失望以及一樣好滿意嘅。首先講好滿意嘅先啦，就係滷水拼盤，真係好入味而且係好味，種類亦都好多，比起潮州嘅滷水舖更出色。款式包括牛展、豆腐、雞腎、滷水蛋、雞翼，樣樣都滿意，所以食食吓都係決定寫篇食評介紹俾大家。不過我老公就叫咗一個櫻花蝦娃娃菜套餐， 加個飯，正常咁樣定一個套餐，菜一定係好入味，結果係，好似用水煮一樣，完全冇味道。我真係暈低咗！

幾年前，茶木嘅蜜糖磚塊系列響香港曾經風靡一時，店外每日都大排長龍。隨著新鮮感減退，茶木門口嘅人龍已越來越短了。對於我哋呢啲不是常常幫襯的人，久不久吃一次蜜糖磚塊真係視覺和味覺上的享受。近來重要有特價，真係好值得重溫。朱古力曲奇蜜糖磚塊：三層厚多士中間掏空了，鑲上烘過的多士磚，上面再鋪上cream丶朱古力雪糕丶朱古力漿和Oreo 曲奇及士多啤梨，成個感覺真係好肥好肥好肥，但又好鬼好味同震撼。即時令大媽們變返少女，不斷狂打卡。😍我哋三個人，除咗叫咗一個磚塊，還叫了兩壼熱帶水果茶。水果好足料，計有西瓜丶橙丶檸檬丶柑桔丶火龍果丶熱情果丶士多啤梨等，加上橙汁同話梅吊起個味，真係好好飲，不過甜度稍高我哋加咗個熱水落去味近調淡一點，又可飲耐啲。環境7.5/10服務7/10食物8.5/10衞生8.5/10回頭率7/10

冇得去台灣又掛住台灣既味道，唯有揀茶木lunch哈哈，一行3個人！茶木係杏花邨既LUNCH既講真係算貴，份量亦唔算太大，但勝在多卡位夠大夠寛落，坐得舒服。九層塔蝦球炒蛋配地瓜米粉（前菜：糖心蛋+茄瓜+時菜）米粉份量真係較少，如果勁肚餓去食，真係未必夠飽，好彩炒蛋份量搭救! 炒蛋香滑，唔會整得太熟，不過不失。鹽酥炸雞排麵及鹽酥炸排骨麵雞扒同排骨因為要即炸既關係，要等耐少少，上枱時真係好香，熱辣辣，賣相仲好相似，哈哈。入口外脆內軟，唔會好難咬，但佢既雞扒同排骨係一開三，個人覺得太大，如果可以切細少少，食既時候會較方便。特別一題，麵既湯底香甜，唔會好重口味，令我都唔覺意飲左一大碗

同朋友約左平日下中午食個lunch, 啲男店員都幾friendly! 會細心幫我留個最入面卡位，都驚我地凍幫我地關隔離度門！🥰叫左個微辣手工拌麵，都堅係微辣喎我唔食得辣都覺得岩岩好～份量好多、好抵食，自己一個係會食唔晒！特別讚好個沙律，清清爽爽個汁又開胃，本身唔太肚餓但都想食埋佢！但跟餐的酸梅汁就麻麻地，唔係好開胃，可以係淡得滯。

外賣order佐三杯雞（HK$73）同甜酸肉（HK$93）。三杯雞份量超級細，全部都係好差嘅部分，比如 雞脖⋯雞脖⋯雞脖⋯平時根本當垃圾嘅部分！肉質又幹又柴。實在過分！打電話complain，店員話係正常質素，正常份量就係咁細，堂食都一樣。咁就post上來俾大家睇下。甜酸肉底部，加半個菠蘿增高，我好確定上一次買係無菠蘿係底部。做生意太唔誠實！！太欺客！！

我哋大概中午一點到去到，基本上唔使排隊就直入，可能係因為平日，其實個商場好大但人流唔多，員工都有好細心咁同我哋探熱先至俾我哋入去，佢安排咗我哋坐喺最近嘅卡位。我哋嗌左兩個中午套餐，一個係紅蔥地瓜燉牛復腩配肉燥飯，另外一個要咗鹽酥梅粉炸排骨配地瓜米粉，套餐本身包左個三色前菜，有滷水蛋，矮瓜同埋麻醬時菜。個牛腩好好食，仲有牛筋喺裏面，配搭左地瓜去煮，好入味，鹽酥排骨都唔錯，好脆口。佢本身仲配左嘢飲，好抵食。

今晚只買了數棵油麥菜，應該不夠餸，本來想斬料，但經過茶木時見到「烏龍茶春雞」這塊宣傳牌，覺得這個名字很特別，聽起來應該很好吃，加上是重陽節，順道買隻雞當做節啦！「烏龍茶春雞」優惠價$58，外賣加$1，合共$59，價錢合理！回家打開來看，外皮有光澤兼很深色，聞起來富香濃的茶味。咬了第一口，才發覺雞肉估不到這麼嫩滑，外皮和雞肉也被燻得非常入味！今晚的亮點是鼓油，估不到混合了烏龍茶葉。當把雞肉蘸上鼓油，茶味馬上倍增，雞味昇華，令我們吃到欲罷不能，很快便KO了整隻雞！以後不夠餸的時候一定會買這隻雞加餸！