Cafe Paradise (杏花邨) (已結業)

今日呢去咗柴湾睇戏，因为果边平同有大戏院，所以就去咗𠮶边睇。之后呢就要去揾食啦但系柴湾就冇嘢好食，所以就去咗杏花邨𠮶度揾食。杏花新城𠮶度呢就有好多餐厅，有中式西式日式快餐咩都有，我地就比间装修好特别嘅Cafe Paradise 吸引咗入去。我地就坐咗去个好似灰姑娘坐嘅果架车度食，好有风味。佢系一间西式餐厅由前菜、小食、扒类、main course、pizza都有。本drink menu重好有心机咁一打开就有3D屋弹开黎。我地叫左个小食拼盘，卡邦尼意粉同云呢拿沙冰。铺入面座满哂人，一家大细以至一个人锯扒都有。等咗一阵，先黎个小食拼盘。四款鸡翼，都各有特式，水牛城鸡翼最开胃因为酸酸地少少辣。咖哩角都炸得好脆，如果有多啲馅就更好。炸芝士好creamy，唔讲以为食紧炸豆腐，几得意，几好食。而薯角就炸到新鲜滚热辣咁，好香脆，好好味。卡邦尼意粉个份量都几多，个汁修到啱啱好，令到个粉好creamy，而且佢煮到好弹牙，都唔错。杯沙冰好有云呢拿味，唔太甜，好啲似饮奶昔咁，值得一试。间铺都几大，野食就算散叫都唔太贵，而且食物都几好味，份量又唔少，所以都吸引到好多人食，迟咗黎都要有排等呀。