名豪海鮮火鍋專門店 (已結業)

琴日系个头行街，search到附近有间新开既海鲜火锅店，中意食海鲜既我就梗系要试试佢啦。舖头选择都几多，汤底由普通既白汤底到麻辣同养生锅都有，最后点左个猪脚＋鸡胡椒汤底，个煲一拎上黎就见到个汤底系超吸引既奶白色！！问左老板先知，个汤底系用真.猪脚同鸡熬出黎，所以个汤底系可以饮嘎，建议大家食之前，可以饮翻碗先～（汤底～～～）火锅料未上之前，头砲系𫠒红鱼刺身同埋两个小食（炸鸡软骨&豆腐），我本身系唔食日本鱼生既人，但系老板强烈推介，咁我就试下啦。鱼系淡水鱼，本来好担心会有腥泥味，点知完全无！！！口感仲好脆好爽口，实在系值得一试。（𫠒红鱼刺身）（炸豆腐）（炸鸡软骨）火锅料呢，选择都好多，其中安格斯牛同自家制既丸就几好，牛肉雪花均匀，食落唔鞋口，食得过。（安格斯牛）丸类大大颗，每颗里面都有一颗可以拉丝既芝士，食得又玩的，虾丸里面有大大只真.虾，超爽口，可以一试。（自家制丸类）之后仲食左新鲜淮山，大大件，牛黄喉，打边炉必备，好爽口，黑牛百叶，莲藕啊，菜啊都好新鲜，重点系唔贵，料足！睇得出诚意十足，推荐大家一试～