影片
更多
2019-07-08
30 浏览
话说今日嚟试姊妹裙，之后准新娘带我嚟食蒸气海鲜，呢度系婚纱街转上天文台道右手边就系啦，唔系准新娘带我嚟都唔知呢度有好嘢食上完楼梯见到好多Vip房同大量明星相，可能好多明星钟意呢度私隐度够高我哋点咗每位$428个餐有海鲜又有肉好期待🍽🤤花甲好大只同好鲜甜清蒸花蟹好正好正，好多膏，肉质好嫩滑好鲜甜食材真系好新鲜大连鲍鱼加咗啲虫草花一齐蒸，鲍鱼另有一番味道（下图）因为实在太好食，切开咗一半先记得影相😅本身已经处理咗，肉同壳分开咗，非常方便进食纽西兰蛏子超巨型，占咗蒸炉直径嘅一大半加咗大量蒜蓉粉丝蒸，一边食蛏子一边食蒜蓉粉丝，又入味，真系好好食冬菜蒸马友马友听又听得多，咸鱼都食唔少，但马友真系未食过第一次食又几好味㖞，再加埋啲冬菜去蒸，唔错唔错安格斯牛小排薄薄的，但好有牛味手打墨鱼丸比较弹牙甜梅菜蒸菜心苗开头谂蒸锅大多数都系蒸海鲜冇谂过会蒸菜但有意想不到竟然好好食咁样蒸保持到菜嘅鲜嫩再加埋甜梅菜好好食，感觉似系家乡生晒梅菜嘅味道食哂所有食物，每道食物嘅精华都放哂落最底点菜时，职员已问定要汤底定粥底出面好多餐厅都系用粥底，呢度竟然有汤底，咁特别，紧系要汤底重点系无论粥底定汤底都有好多款配料可选（
话说今日嚟试姊妹裙，之后准新娘带我嚟食蒸气海鲜，呢度系婚纱街转上天文台道右手边就系啦，唔系准新娘带我嚟都唔知呢度有好嘢食
上完楼梯见到好多Vip房同大量明星相，可能好多明星钟意呢度私隐度够高
我哋点咗每位$428个餐
有海鲜又有肉
好期待🍽🤤
花甲
好大只同好鲜甜
清蒸花蟹
好正好正，好多膏，肉质好嫩滑好鲜甜
食材真系好新鲜
大连鲍鱼
加咗啲虫草花一齐蒸，鲍鱼另有一番味道
（下图）因为实在太好食，切开咗一半先记得影相😅
本身已经处理咗，肉同壳分开咗，非常方便进食
纽西兰蛏子
超巨型，占咗蒸炉直径嘅一大半
加咗大量蒜蓉粉丝蒸，一边食蛏子一边食蒜蓉粉丝，又入味，真系好好食
冬菜蒸马友
马友听又听得多，咸鱼都食唔少，但马友真系未食过
第一次食又几好味㖞，再加埋啲冬菜去蒸，唔错唔错
安格斯牛小排
薄薄的，但好有牛味
手打墨鱼丸
比较弹牙
甜梅菜蒸菜心苗
开头谂蒸锅大多数都系蒸海鲜
冇谂过会蒸菜
但有意想不到竟然好好食
咁样蒸保持到菜嘅鲜嫩
再加埋甜梅菜好好食，感觉似系家乡生晒梅菜嘅味道
食哂所有食物，每道食物嘅精华都放哂落最底
点菜时，职员已问定要汤底定粥底
出面好多餐厅都系用粥底，呢度竟然有汤底，咁特别，紧系要汤底
重点系无论粥底定汤底都有好多款配料可选
（睇返上面餐牌底部可以睇到，所以都唔打咁多字啦🤣）
我要咗鲜响螺竹丝鸡汤，好足料，开头未蒸时个汤底冇咁浓郁，蒸完后所有精华落哂去，个汤真系好甜好甜，好好饮，饮完个汤即刻饱哂，好满足的一餐
食后感:
我哋全程一路食都有个职员照顾住
唔需要自己去蒸
职员会帮我哋计时间去蒸
所以每款食物都唔会蒸过龙
保持住最新鲜嫩滑嘅食物比我哋
再加上呢度材料超新鲜
加埋唔会蒸过龙，真系用个「鲜」字嚟形容
张贴
