發哥粥底海鮮火鍋 (已結業)

听朋友讲九龙湾有间海鲜粥底火锅好抵食，今日就去试吓啦，地点都好方便，地铁站行出嚟几分钟就到，不过餐厅位置就要经过工厦先入到去，感觉有少少隐蔽，但胜在私隐度高。发哥粥底火锅有三款海鲜餐任君选择，我哋选择咗龙虾餐，另外平少少嘅选择有海蟹， 又或者最贵嘅龙虾加海蟹。呢个餐仲有前菜、炖汤、焗青口、鲍鱼、海鲜拼盘、安格斯牛肩肉、八款火锅材料、饮品任饮。非常抵食。店员好快就将粥底锅同埋前菜上枱，其他食物亦都好快上齐。炖汤非常好饮，非常足料，个碗里面系料多过汤，有鸡、瑶柱、螺头、花胶等等，味道劲鲜甜。黄金蒜蓉焗青口大大只、热辣辣新鲜烧，好味道。海鲜拼盘超级吸引，上面除咗龙虾同鲍鱼，仲有多宝鱼、海虾、黄金蚬、贵妃蚌、蛏子皇、时令贝。样样海鲜都新鲜好食，海虾系非常弹牙，于是我哋后尾都encore左。贵妃蚌、扇贝都非常大粒。安格斯牛肩肉好有牛味，个样好吸引，味道都10分好，食完仲想encore.火锅配料都有好多款俾你拣，我哋主要拣咗海鲜、韭菜饺、虾滑、猪红、油麦菜、日本黑豚肉。本人都唔错，尤其系日本黑豚肉，睇个样都知好味。食完晒所有火锅材料，店员就会自动波帮我地整粥底，店员好细心，先将锅里面嘅所有泡都笔走