影片
更多
2011-08-30
21 浏览
星期六本来想同成班朋友去元朗来来食坊食鸡煲, 打电话去订位, 点知冇晒室内冷气位, 要坐街, 哗! 咪搅, 我地成班又唔食烟, 天气又焗, 𠮶日仲要久唔久落下雨,后来系旺角行行下, 见到有间新舖仔有辣鸡煲食, 6点几, 又唔使等位, 咪入去试下.入到去坐低, 有个串串地嘅中年男人 (我估系老板) 走埋来问我地要咩, 我地话第一次来就叫佢介绍, 佢就问我地食唔食得辣, 如果食得就要试 "香辣鸡煲" 咁话㖞, 但系我地食开麻辣, 个男人就话冇, 咁唯有试下佢介绍个煲.我地一边等个煲, 又四维望下睇下有咩野好叫, 点知个FRIEND突然叫个老细埋来, 原来佢见到墙上面贴住张纸写住有 "HOAGAARDEN" 同埋 "朝日" 生啤, 仲要系三十几蚊500ML, 重平过 Happy Hour 系酒吧饮, 当然一人先来一杯啦, 包冇蚀先, 咁点解写三十几蚊唔写个价钱出来, 原因系𠮶晚个个饮大咗, 唔记得系三十几OK, 鸡煲上枱, 唔... 闻就几香, 食落就唔系好辣 (我地系叫大辣架), 鸡呢... 一般啦, 都合格啦! 我地等个煲食得咁上下, 就开始叫其它食材来烚下烚下, 但系因为真系饮咗好多,
入到去坐低, 有个串串地嘅中年男人 (我估系老板) 走埋来问我地要咩, 我地话第一次来就叫佢介绍, 佢就问我地食唔食得辣, 如果食得就要试 "香辣鸡煲" 咁话㖞, 但系我地食开麻辣, 个男人就话冇, 咁唯有试下佢介绍个煲.
我地一边等个煲, 又四维望下睇下有咩野好叫, 点知个FRIEND突然叫个老细埋来, 原来佢见到墙上面贴住张纸写住有 "HOAGAARDEN" 同埋 "朝日" 生啤, 仲要系三十几蚊500ML, 重平过 Happy Hour 系酒吧饮, 当然一人先来一杯啦, 包冇蚀先, 咁点解写三十几蚊唔写个价钱出来, 原因系𠮶晚个个饮大咗, 唔记得系三十几
OK, 鸡煲上枱, 唔... 闻就几香, 食落就唔系好辣 (我地系叫大辣架), 鸡呢... 一般啦, 都合格啦! 我地等个煲食得咁上下, 就开始叫其它食材来烚下烚下, 但系因为真系饮咗好多, 搞到记唔晒食过啲咩, 唯有尽量记番出来啦.
生㓥田鸡- 呢味最记得, 因为真系生㓥, 碟𩠌放系枱度, 对田鸡脚仲撑下撑下, 啲女仔就话好核突, 我地啲钟意食嘅就觉得好正... GOOD, (P.S. 如果惊嘅就千其唔好ORDER)
响铃(唔记得系咪咁叫) - 系将啲腐皮卷埋炸到好松𠮶啲, 好味, 因为佢系新鲜炸出来, 唔同出面炸定𠮶啲, ... GOOD
午餐肉 - 应该系火腿猪肉来嘅, 系贵野, 不过我本人觉得食火锅要用cheap cheap 午餐肉先好食... 一般啦
手打虾丸 - 唔算好弹牙, 但都几爽口, 都系好耐以前系力奇果啲好啲, 不过而家都食唔番啰... 算合格啦
牛肉- 因为我地一行八个人, 有五个唔食牛, 所以冇叫到
猪肉- 都OK, 爽口
汤底- 开头唔系好辣, 食食下有少少辣, 但系我地都觉得唔够, 叫佢地放多2碗大辣汤落个汤底度, 成班FRIEND先至够喉 (但系大家唔食得辣千万唔好试, 因为真系会好辣) ... 免免强强啦, 如果加埋麻会好好多啰!!!
仲有咩呢... 真系唔记得添, 不过我地临走前, 同老细讲咗话我地都系钟意食麻辣多啲, 佢话比啲时间佢研究下㖞, 系咪真架, 如果系就好啦, 不过为咗啲生啤, 我地都会再来嘅!!!
今次系小弟第一次写食评, 大家多多包涵, 但由于挂住饮酒倾计, 同埋真系饮咗好多, 所以唔记得影相.
张贴