肥强火鍋海鮮飯店 (已結業)

未入店见到生啤吧枱好有个性🍺，仲竟然有蓝妹嘅生啤饮，已经加分🤩。坐低问店员有乜牛肉系油花多又好味，店员好有耐性逐一介绍🥩，最后上枱嘅牛肉油花非常靓，重牛味！另外店员推介「麻辣饺」同「菜肉饺」都系自家人手包，两种饺都好好味。麻辣饺一入口有麻辣味，但辣度唔太强，唔食得太辣嘅朋友仔都啱食！菜肉饺食得出猪肉味浓，非常新鲜。响铃食得出系即炸，无油膉味，热辣辣又松脆！最后仲叫咗佢个腊味煲仔饭，饭粒煲得够干身，唯一有少少可以改进嘅系个煲仔饭豉油，无乜味，未能够将啲饭同腊味嘅香味再提升得更好。