唐記包點 (堅拿道西)

营业中

休息中

铜锣湾坚拿道唐记，就在鹅颈桥天桥底， -放工 等巴士 见肚饿， 初头谂住净系买个包， 谂谂下不如买埋饭返屋企食，饭都唔使煮， 如是者就买咗两个饭 加埋啲点心，咁就喂饱左3个人。-不得不提的是铜锣湾唐记有 蒸饭加点心 套餐卖， 两样加埋一齐都只系36蚊，抵食。-章鱼肉饼饭章鱼肉饼大大件， 章鱼加马蹄捞晒落猪肉饼里面， 口感一流，劲爽。- 白饭够大碗， 最重要系仲有椰菜附送， 唔怕冇纤维。-烧卖烧卖系猪肉烧卖，大大粒， 肥肉同瘦肉比例均匀， 不会太肥。-另外一个套餐叫了鸡蛋牛肉饭和 鲜竹卷牛肉是山竹牛肉， 满足了夜妈妈仲想饮茶的我， 鸡蛋煎得㶶边，简简单单著实不错。-鲜竹卷有三大件， 里面材料扎实，有猪肉有木耳有萝卜，抵食夹大件。---另外仲叫了三个冻包 打算第二天做早餐，叉烧包不会太多肥肉，糯米卷材料丰富， 糯米有腊肉的咸香 ，- 香菇鸡包有木耳有鸡，是爱肉人士必点之选， 三个包材料丰富，只系6蚊个， 著实抵食。最后见天桥底等巴士热到成身大汗，就买了支黑芝麻豆浆，解暑之余又充满豆香味，浓郁之选，不错。