一本日式蛋包飯

营业中

休息中

系东荟城扫完货，悭钱家族上身，抵食之选当然系行耐少少去food opera平食！死港女表示太常见嘅餐厅又唔想食，咁耐无得去旅行，去转东涌经过汀九桥都有旅行感，出到黎不如当去转日本喇，食个蛋包饭试试佢。本身见到人地个鸡扒炸虾同埋鸡扒鳗鱼奄列饭好新鲜好香好好味咁，但自己一个食会太多，浪费食物个只，唯有试下佢嘅汉堡扒睇下有无诚意！结果！两块汉堡扒上面有片装芝士，本身唔大期望，但佢啲肉食得出系认真制作！似系人地burger个啲汉堡，唔系平时猪柳蛋嘅hea野！赞！加上佢嘅茄汁唔系一般茄汁，又再落蕃茄煮过嘅蕃茄汁，诚意加分！沙律菜同粟米都份量多，平时食菜机会少嘅人嘅恩物。唉，可惜美中不足嘅系佢嘅饭底，竟然唔系炒底不特止，连少少诚意用茄汁捞嘅饭都冇，只系白饭一碟，如果可以有有味嘅饭底就好噜😭😭咁一定会食得晒😭。完。