火鍋煮場 (已結業)

香港人一年四季，唔理冻热，打边炉都系最佳活动，今次就去左位置非常方便既火锅煮场，门口好光猛，离远已经见得到，入到去地方唔算太大，但都坐得好舒适。打边炉最重要当然系个汤底，我地今次拣左蕃茄海鲜蟹锅，老板话呢个蕃茄汤底系佢地用心制作，绝对唔系坊间一般水加茄膏沟成，讲到咁当然试下啦。拣完汤底，侍应就会比配料盒比你自己调配，极力推荐落炸蒜，好香。汤底一上枱已经闻到劲香蕃茄味，好多蕃茄超足料。另外上既海鲜有虾，蟹，蚬同青口，海鲜系汤锅入面滚几滚，令到蕃茄既清甜同蟹鲜融合埋一齐，仲可以带出海鲜既鲜味添。重头戏三式牛肉拼盘，有本地手切既牛颈脊，安格斯牛小排同牛𦟌，三款牛肉都好新鲜，每款都有不同口感，肥瘦均匀，嫩滑有牛脂香。呢度即响玲系必试呀，新鲜即叫即炸，配埋个甜酸酱比你即食，好脆！就算放落汤到都唔会即刻淋晒。另一个我觉得都系必试既系墨鱼丸拼虾丸，全部都系手打架，足料有质素，每一粒都食到好多墨鱼同虾，唔会好似出面果d劲粉。桂花蚌新鲜，份量多又大条，爽口鲜美，好食。最尾叫多一个杂菜篮，有三款菜，仲有粟米同蕃茄，好抵食，而且d菜都好新鲜，唔点豉油就咁食都好好食。