火鍋煮場 (已結業)

今晚帮衬呢间火锅店，佢D材料非常靓，而且价钱亦很合理。牛白肉唔系好多地方有得食，所以一见到有就叫，切得几薄，真系渌一渌就食得，好爽口。手打丸孖宝系自家制嘅，虾丸加墨鱼丸，新鲜弹牙，我觉得虾丸好食过墨鱼丸。午餐肉就系午餐肉啦，一开始就落，临到最尾先食先至有最正嘅口感。呢度嘅竹笙真几新鲜几爽口。羊肉片都几大份，D羊唔系好膻，肉身无瘀黑，真系几新鲜。即炸紫菜响铃拎卞黎时热辣辣，侍应话落汤浸一浸或者就咁食都可以，我就觉得落汤浸一浸好食D。刺身鱼睇住佢喺鱼缸拎上黎，真系好新鲜，薄薄一片好好食。炸墨鱼饼系即叫即炸嘅，味道唔错，又系好新鲜。桂花蚌都几有弹性，质素唔错。海虾云吞又系自家制嘅，入面只虾都几新鲜。秘制猪肉条用黎打边炉都真系唔错，好好咬。黑豚肉猪味都浓，不过就肥咗少少。狮头鹅肠好正，够晒肥，D鹅油香到呢。鲜冬菇都几大粒几厚肉。自家制墨鱼饺味道都唔错，好似食墨鱼丸加块饺皮。凉瓜片都有真系劲。