端記茶樓

营业中

休息中

川龙端记茶楼位于荃湾大帽山川龙村，一直系行山人士嘅圣地！呢日就同埋几个朋友仔一齐行完山就去左川龙最有名嘅茶楼-端记茶楼饮茶喇！呢间茶楼最特别嘅地方就系所有野，无论揾茶位、拎餐具、冲茶、拎点心都系自助式，由于系自助式嘅关系，点心好快一出炉就俾人抢哂，所以等点心都需要啲时间架，不过可以系咁郊外嘅地方叹茶，慢慢都无所谓喇，而点心款式，都不外乎虾饺、烧卖、包、肠粉等等，而最出名就系豆腐花同埋西洋菜喇！因为茶楼食用嘅水系来至山水，所以整出嚟嘅豆腐花都特别滑，好好味！西洋菜都系用川龙山水种植嘅，全部都系新鲜采摘架！食落真系好嫩好有菜味！有好多茶客食完之后仲落左附近嘅西洋菜田买几袋返屋企煲汤添！如果假日想揾个地方远离尘嚣纾解一下，可以考虑下上嚟大帽山行下山，再去川龙村饮杯茶叹一叹！