梅光軒 (登龍街) (已結業)

最近知道登龍街，開了一間米芝蓮推介的北海道拉麵🍜，我身為拉麵控，當然要一探虛實。這裡的地方不大，座位約廿個，剛剛有客離開，所以可以直入不用等。我們㨂了醬油拉麵$75，加$15轉套餐，餃子(3只)和汽水。鹽味拉麵$75，加$15轉套餐，明太子雞翼(2只)和汽水。醬油拉麵，湯底味道不算太濃，湯底用了豬骨、雞、昆布、沙甸魚，所以湯底清甜，平時吃拉麵，好少咁多蔥，我好喜歡這個安排，而拉麵外型有點似公仔麵，不過吃落都好彈牙。餃子煎得幾香脆，肉汁豐富。鹽味拉麵，顔色好清淡，想不到味道又幾好，不會鹹，湯底味道清甜，荀條很粗又嫩，不喜歡濃湯，一定喜歡這個。明太子雞翼，外皮炸得香脆，明太子包在雞翼內，帶一點辣味，想不到日本都有好像中菜一樣，會有釀雞翼。抹茶厥餅($10)三粒，綠茶味濃郁，煙煙靱靱。