Vini Novo Wine Bar

营业中

休息中

HH完round 2，见有啲肚饿，就去咗附近呢间酒吧再round 3。其实头两round都系饮啤酒浅尝。所以就转咗场。先嗌支白酒嚟配下d小食，鳕鱼干，枝豆，鸡泡鱼干基本上系唔会输㗎。开始上串烧，其实啲鸡软骨鸡翼鱿鱼上边有少少椒盐，但系全部冇底味，如果钟意食冇味嘢朋友可能会喜欢。跟住同店面职员反映话啲嘢食好似冇味咁。职员话佢哋嘅烧烤偏淡味。但系已经落咗单，之后啲食物心里有数。所以嗌咗支轻身少少嘅Pinot Noir，两支酒系绝对无问题，当正常House wine系可以的。但系后上𠮶啲肉类食物都系偏淡，个烧鳗鱼以为佢连鳗鱼汁都冇落，净系食到泥味，呢个真系搞唔掂。成晚早正常系两支酒同月见鸡软骨棒，烧茄子。其实呢餐都两千几蚊（留意番饮嘢每支酒around两百头，叫左白红各一，四杯啤酒，一罐有气蜜糖水），咁就真系斋饮酒会开心啲⋯⋯