ねずみの王冠 喫茶店

营业中

休息中

前阵子工作太忙压力太大，终于等到放假，当然要不停食食食😋呢间喺观塘既吃茶店环境舒适，好啱同闺密倾成晚计❤食物同饮品的选择都唔少~山梨悬之富士山 Yamanashi Fujiyama special drinks（$52）平时饮品最后讲，但呢杯饮品将成个富士山搬过嚟，仲闪下闪下咁好梦幻呀，系视觉上既享受！其实佢系蓝柑橘加柠檬，再配上北海道3.6牛乳雪糕。饮落有种清爽既柠檬味，雪糕球散发淡淡奶香，好睇又好饮。原条蒲烧鳗鱼炒饭（$148）完全冇谂过条鳗鱼咁大条咁厚肉，难得既系去哂刺，再配上惹味既鳗鱼烧汁，食落毫无腥味，赞！炒饭分量颇多，d饭粒粒饱满分明，每粒都沾满酱油，一直食唔停口。七味墨鱼咀（$68）平时系食开椒盐墨鱼咀，所以觉得呢度既墨鱼咀味道淡d，但咬落又几爽脆，唔错。鹿儿岛猪软骨野菜锅（$128）d猪软骨软身又入味，更重要既系汤底鲜美浓郁，即使饮埋都唔会觉得口渴。我地两个女仔食到好饱，埋单每人$220。