上海廳1930 (已結業)

放工朋友相约于黄大仙会面，食东西。 我就希望可以坐耐啲，话晒咁耐冇见可以倾多啲计 朋友就建议不如食中菜，我哋 拣咗一间中菜馆，位于地铁站附近地理上好方便。我哋点了，小笼包，生煎包及排骨担担面。第一样嚟嘅就系小笼包，好明显系即叫即蒸，新鲜度十足，放咗喺度一阵，外皮开始 变化，系时候食啦。 用筷子一夹，最重要外皮完全冇烂， 咬落充满肉汁。第二章就系排骨担担面，排骨香脆可口，至于担担面最重要嘅就系汤底，汤底浓郁充满花生味 ， 辣到刚刚好 ，唯一美中不足就系个面比较淋，口感无我想像中咁好。最后一样就系生煎包，都系新鲜咁做，最值得赞赏嘅就系面包底够晒香脆，加上面包皮做得好，完全唔痴牙，值得嘉许。虽然唔系食咗好多嘢，但系真系饮咗好多杯茶，下次都会再来，因为佢唔会吹我走。