三家村水產 (已結業)

食日本海鲜，要食新鲜，又有特色， 一定谂起而家嘅黄埔， 佢嘅水产市场， 都真系几多元化， 今次经朋友介绍， 冇谂过九龙东，原来都有类似嘅食店。食店位于地铁站油塘附近， 由地铁站步行过去， 大约需要十分钟， 时间话长唔长话短唔短， 到达最后发现， 原来仲可以坐船过来， 就由鲗鱼涌出发。晚餐点了店员强力推荐的，活鱼一夜干， 好有香港特色， 但系又不失日本嘅食法， 其实就系干马友拎去烧黎食， 外表好脆，鱼味十足，最重要经过烹调， 都仲充满鲜味。蟹肉伴蟹子沙律， 蟹肉新鲜， 完全冇腥味， 配合埋蟹子，口感更加出色， 最后值得推荐嘅，系因为沙律菜洗得够干净。烧生蚝， 原只喺面前可以自己烧， 都已经够晒惊喜， 之后开出来冇谂过蚝肉咁大只。最后，三家村海鲜粥， 用料十足， 粥底鲜甜，最重要真材实料， 够晒二个人或以上食。如果再要食新鲜日本嘢，我又多一个新选择。