影片
更多
2021-01-14
1047 浏览
坐落系尖沙咀K11 Musea入面，有一间你未必知佢来头但又长期排长龙既拉面店，系系东京品川开店廿几年既过江龙小店，连续四年（2014-2018年）获得米芝莲推介，以及Tabelog全日本拉面大奖，系tagelog有3.94分既高分、Ramen Walker多年日本最优秀拉面排行榜前十位。而呢间日本排长龙既拉面，系尖沙咀K11 Musea开首间分店兼海外店面，总店由日本既高野夫妇主理，虽然将汤底同制面技巧传授比香港店两位师傅，但佢同先生每隔半年都会嚟香港监察品质，香港制面师傅都系日本本店接受训练。店铺主打拉面同沾面，店内自设制面工场，客人可不时睇到师傅制面既过程，保证拉面质素新鲜。当然自家制嘅面唔一定等于好食，但呢个精神好紧要，一碗拉面嘅主角就系个汤同个面，如果个面唔系自家制已经同面厂攞，咁已经有一半唔系自己既野，只系加工，香港好多拉面、甚至系过江龙，啲面都唔系自家制，肯自家制既拉面店我觉得已经值得欣赏。-环境店内环境好有日本风格，仲贴心咁设有屏风间格，为单独嚟嘅食客增添私人空间。装修同本店𠮶种传统拉面店风格完全唔同，收费亦比起本店高出唔少。-排队晚上八点来到，等了约10分钟便可以入座
坐落系尖沙咀K11 Musea入面，有一间你未必知佢来头但又长期排长龙既拉面店，系系东京品川开店廿几年既过江龙小店，连续四年（2014-2018年）获得米芝莲推介，以及Tabelog全日本拉面大奖，系tagelog有3.94分既高分、Ramen Walker多年日本最优秀拉面排行榜前十位。而呢间日本排长龙既拉面，系尖沙咀K11 Musea开首间分店兼海外店面，总店由日本既高野夫妇主理，虽然将汤底同制面技巧传授比香港店两位师傅，但佢同先生每隔半年都会嚟香港监察品质，香港制面师傅都系日本本店接受训练。
店铺主打拉面同沾面，店内自设制面工场，客人可不时睇到师傅制面既过程，保证拉面质素新鲜。当然自家制嘅面唔一定等于好食，但呢个精神好紧要，一碗拉面嘅主角就系个汤同个面，如果个面唔系自家制已经同面厂攞，咁已经有一半唔系自己既野，只系加工，香港好多拉面、甚至系过江龙，啲面都唔系自家制，肯自家制既拉面店我觉得已经值得欣赏。
-
环境
店内环境好有日本风格，仲贴心咁设有屏风间格，为单独嚟嘅食客增添私人空间。
装修同本店𠮶种传统拉面店风格完全唔同，收费亦比起本店高出唔少。
-
排队
晚上八点来到，等了约10分钟便可以入座。
-
🍜 多贺野酱油拉面 💰128（👅: 7.5/10）
多贺野酱油拉面
$128
32 浏览
1 赞好
0 留言
店内既食材都系日本直送，拉面系传统式，唔会有得拣拉面软硬粗幼曲直、汤既浓淡。
叉烧觉得太薄太干，但食到猪肉嘅甘香，带小小火炙味。溏心蛋个状态系熟咗少少，个蛋黄可以成个固体咁起出嚟。笋系鲜笋干，好嫩好入味。
多贺野除左系汤落足心机，每日坚持新鲜自制拉面，每日制作约两至三转面条，用上4款日本面粉、两款荞麦、盐碱水同鸡蛋制成面团，用机器反覆压制６次再裁出面条，熟成1-2日先可以用，不时拎起面条度尺，因为面条既长度同厚度都要一致，每日会根据当日温度同湿度再去调整水分同面粉既比例。
多贺野酱油拉面
$128
38 浏览
2 赞好
0 留言
面条方面做得几好，烟韧软硬适中，密度几高，食到尾唔会腍哂，唔会好易发胀，细嚼后有少少麦嘅香味。
另外一提，究竟咩系挂汤?挂汤系一个食材嘅特性，系讲你个面同你个汤可唔可以互相配合，如果你个汤系比较清啲，个面嘅挂汤能力就需要好强，令到个味道比较平衡，调返转如果个汤系比较稠身、咸、浓味，个面就唔需要咁强挂汤能力，先可以中和到个味道，而拉面嘅挂汤能力主要睇面嘅粗幼、直身定曲身、面既吸水能力。而多贺野既面挂汤能力同汤头亦都好配合，汤虽偏淡但面挂汤能力够平冲到。
店铺最出名既就系酱油汤底，香港可以食到酱油汤底既拉面唔多，好食既就更加无咩。多贺野既酱油汤系用鸡肉、鸡骨、猪骨、猪软骨、豚肉、姜葱蒜、日本鲣鱼干等优质食材人手调配精心熬制3个钟。
汤头清澈鲜甜，唔会好油腻，亦唔会太咸，清甜系因为用上自家制的酱油混和鲣鱼汤底，酱油味较浓，会闻到小小鸡汤既香气同鱼干既咸鲜味道，可以边食面边饮汤，不过味道唔算好有特色。
-
🍜 豚鸭沾面 💰168（👅: 8/10）
豚鸭沾面
$168
24 浏览
1 赞好
0 留言
再试另一个招牌菜豚鸭沾面。
豚鸭沾面
$168
16 浏览
1 赞好
0 留言
豚鸭沾面
$168
36 浏览
1 赞好
0 留言
豚鸭沾面
$168
28 浏览
1 赞好
0 留言
有两块叉烧，品质同拉面个碗差唔多。
夹起咗两个肉之后呢就见到佢俾咗好多笋，同埋有半边嘅溏心蛋同一堆葱。
豚鸭沾面
$168
14 浏览
1 赞好
0 留言
沾面汁好够热，味道偏清甜，质地比较稀，系用上鸭肉、鸭骨、鸡、蚬、菇等材料熬煮再撞鲣鱼干精华汤，鸡同猪既味道较出，鲣鱼味系尾段飘来，同一般偏咸鱼介沾面汁有好大分别，比拉面酱油味咸少少，好唔好就好睇个人口味，因为汤既味唔算重，沾面汁有好明显嘅鸭油香味，整碗食完唔觉油腻。
-
🌟我觉得佢价钱太贵，沾面定价系$168过于进取，香港会敢定系158-168既价钱该得一灯(已经执左)/茑(同为东京米芝莲)。拉面喺日本来讲其实一个好平民嘅嘢食，就算攞几多米芝莲推介或者tabelog几高分都好，佢都系一个平民食品。
今日你肯比钱食呢个168沾面，他日再有其他过江龙见到呢个情况会照住定价168，咁香港就再食唔到68-98价钱既拉面。味道黎讲多贺野算系好食既酱油汤拉面，始终酱油汤唔系个个都钟意，味道一定系比猪骨/鸡汤无咁浓无咁出，如果真系好钟意食酱油汤拉面可以黎试一试，咁你就会知呢个128/168比得值唔值，唔算钟意酱油汤既我建议唔驶试，香港仲有好多拉面好食。
-
👅味道: 8/10
🍴环境: 7/10
💰消费: $128/168 (拉面/沾面) (服务费: 10%)
张贴
