日本橋海鮮丼 つじ半 TSUJIHAN

营业中

休息中

呢间系东京排名第一嘅海鲜丼暂时系香港得东涌有咋餐厅嘅鲷鱼高汤用咗8小时熬制而成捞埋落丼饭食系另一种风味每款食材都非常新鲜非常值得去食‼️🔸刺身盛合御膳 $208呢个盛合御膳御膳非常丰富，有沙律、茶碗蒸、刺身盛合同埋日本鲷鱼高汤渍饭。餐厅嘅鲷鱼高汤非常出名，系用咗数十斤嘅鲷鱼再以日本秘方熬制8小时而成，每一啖都鲜味十足，无论就咁饮或者用嚟捞饭都非常好味。刺身盛合有带子、三文鱼、油甘鱼、吞拿鱼蓉同埋三文鱼子，每一样都好新鲜。🔸特上海鲜丼 $298呢个海鲜丼份量感十足，严选咗多款新鲜食材，包括海胆、红鳕蟹、鲑鱼子、赤虾、鲱鱼子、象拔蚌、螺肉、鱿鱼、金枪鱼同埋金枪鱼蓉。铺喺面嘅海胆色泽鲜艳亮丽，睇到都流哂口水，食落质感饱满，非常滑溜，再配搭埋其他新鲜海鲜，真系浓浓嘅满足感。🔸宇治抹茶布丁佐红豆 $30依家只要惠顾刺身盛合御膳即可以$30优惠价追加宇治抹茶布丁佐红豆一份，真系好抵食。抹茶布丁口感软绵，抹茶味香浓，配埋红豆真系好好味。