老掌櫃東北菜館 (已搬遷) 新店位置

之前黎过食片皮鸭觉得好味，咁路过就再入去食番餐，今次人少食唔到片皮鸭，午市黎到唔多人，直接入。呢度系自己睇啱写野自己写落纸，再交比侍应落单，叫左三样野share, 红油炒手，凉拌大白菜 同担担面。「红油炒手」好多粒，唔够辣同香，入面嘅馅冇咩咬口，应该好多都系肥肉，凉拌大白菜就大大碟，份量多，酸辣口味，几开胃，最后系担担面，可以话系不过不失啦，配菜爽口。今次黎食可能叫得求其，冇上次嘅惊艳，只算系正正常常咁。