影片
更多
2014-08-28
4045 浏览
你话食泰菜、越南菜、星马菜，多多少少都分辨得出依几个菜系，若然你问我泰东北菜喺点，小弟就真喺搭唔上嘴 。事后翻睇维基百科，有咁嘅描述：「泰国菜以酸、辣、咸、甜、苦五味的平衡为特点，分泰北菜、泰东北菜、泰中菜、泰南菜4大菜系，反映泰国四方不同的地理和文化，各地使用的食材往往跟邻近国家的一样。」多谢老友为我哋拣选主打泰东北菜嘅「18巷泰国餐厅」开餐，有机会让小弟认识及品尝一下依个再细分出嚟嘅泰菜特色 。再从维基百科引用多少少资料，虽然都只喺好表面，知多啲无妨： 泰北菜，属山区，深受缅甸菜嘅影响； 泰东北菜，与寮国菜相似，善用青柠汁，米饭则爱食糯米饭； 泰中菜，以首都曼谷为中心，鱼米之乡，蔬菜水果茂盛，食料较新鲜，调料通常较甜； 泰南菜，邻近马来西亚菜，多取及其食料，多用椰奶、鲜黄姜，调味较浓。走进18巷，环境极富泰国风情，唔喺满天神佛𠮶种，而喺透过墙画、雕刻、摆设嚟营造，但又带点摩登，例如天花嘅吊灯，型格而不俗气，再配合柔和嘅灯光，坐晌舒适嘅梳化椅，一派悠然自得 。就连餐具都精致玩味过人，绝对踢走老套泰菜馆格局。虽然一切由朋友发办，但都会影低餐牌作个人纪录，方便下次再嚟食饭时
再从维基百科引用多少少资料，虽然都只喺好表面，知多啲无妨：泰北菜，属山区，深受缅甸菜嘅影响；
泰东北菜，与寮国菜相似，善用青柠汁，米饭则爱食糯米饭；
泰中菜，以首都曼谷为中心，鱼米之乡，蔬菜水果茂盛，食料较新鲜，调料通常较甜；
泰南菜，邻近马来西亚菜，多取及其食料，多用椰奶、鲜黄姜，调味较浓。
走进18巷，环境极富泰国风情，唔喺满天神佛𠮶种，而喺透过墙画、雕刻、摆设嚟营造，但又带点摩登，例如天花嘅吊灯，型格而不俗气，再配合柔和嘅灯光，坐晌舒适嘅梳化椅，一派悠然自得 。
就连餐具都精致玩味过人，绝对踢走老套泰菜馆格局。
虽然一切由朋友发办，但都会影低餐牌作个人纪录，方便下次再嚟食饭时有多一点事前准备。菜式由汤品、地道小食、沙律、海鲜、咖喱、肉类、蔬菜、素食、饭面、甜品分为10大类，选择近百款，菜式旁标明「厨师推介」、「泰东北部特色菜」及「辣度」以作参考。
此外，餐牌尾印有餐酒、汽水啤酒、特色冻饮、特色热饮等等，嚟到咁富特色嘅菜馆，就梗喺拣啲有特色嘅饮品啦。
泰国椰青 $39 椰青雪得够冰冻，试咗一、两啖，椰青入口冰凉送爽，清甜舒畅，晌炎夏的确消暑佳品。
椰青特饮 $38 非常特别嘅特饮，实质喺椰青沙冰，饮落超凉快，老友猛赞话正，搞到我都想点一个。
椰子特饮 $35跟杯普普通通嘅鲜椰汁无咩分别，唔明「特饮」在边处 。
木瓜奶昔 $38 早前去新加坡，朝朝晌啲熟食大排档整番杯大果汁，鲜榨木瓜汁喺其中之一，所以就拣杯木瓜奶昔， 木瓜味味道明确，质感奶滑，确实唔错。
泰式南姜茶 $38朋友喜欢热饮，所以就点咗泰式南姜茶，南姜茶以壶上，茶色清透，但朋友话只有好淡嘅姜味，跟期望有啲落差。就算饮到最后，南姜应已浸透，但姜味亦未见好突出 。
泰东北冬荫石班清汤 $68 汤品除咗常见嘅冬荫功之外，仲有一款名为泰东北冬荫清汤，可拣配石班（$68）定鸡肉（$60），好想知泰东北嘅冬荫喺点？以一个小镬盛上，汤色较贯见嘅冬荫功清，唔会一片红当当，但入口依然挺辣，怪不乎餐牌标佢两只辣椒辣度，皆因用唔少干辣椒及香料熬煮，相反就无加椰奶，质感相对较薄；配料仲有草菇、蕃茄等等，酸辣醒神，一锅仲可以分到约6碗份量，都算抵饮，不过石班肉无想像中滑 ，要扣点分。
泰东北特色NHEAM炸猪软骨 $108 晌地道小食一栏，一共有13款选择，其中3款唔止喺厨师推介，仲喺泰东北部特色菜，包括：灰烧猪颈肉（$78）、泰式烧牛扒（$178）及炸猪软骨（$108），以最后者较特别。每份炸猪软骨会配有生菜、洋葱粒、姜粒、花生、辣椒仔、青柠粒，好简单以生菜包住所有材料嚟食，味道复杂，有酸有辣，有咸有鲜，实在过瘾 。
泰东北烧牛扒青木瓜沙律配糯米饭 $168 沙律类一样有好多款式，超过10款，见咁多人赞依个泰东北烧牛扒青木瓜沙律，加上又喺厨师推介，成为沙律首选。原来烧牛扒及青木瓜沙律喺分开放，烧牛扒做到半生熟，色泽粉嫩，腍滑好食，难得一碟有咁大份量，抵呀 ；而青木瓜沙律清新爽脆，叫人食得酸甜开胃，辣度又啱啱好；至于个糯米饭最别出心裁喺以个迷你竹箩载住，侍应话喺当地人特色，仲要用手拎嚟食，顾及公众卫生就当然用番羹同叉啦，其实个饭黏黏糯糯，夹啲青木瓜食又几得意㖞 。
香炸虎虾配酸子汁 $218 海鲜菜式个价格差距比较大（$88-$360），而依个虎虾就属中等价位，同属厨师推介菜式。一客3只泰国虎虾开边香炸，再淋上个酸子汁，虾肉爽弹鲜甜，自家制酸子汁酸香温和，隐约中渗出丝丝辣意，独特具层次，颇有风味 。
泰式香草烧鱼 $188 另一款海鲜菜式亦喺唔太贵嘅烧鱼，点明喺泰东北部特色菜，食到尾就见到肚内放有好多南姜、香茅、金不换……等等香料一齐烧，故此，上枱时香草味四散，宁舍吸引。鱼肉烧得啱啱好，肉质鲜味嫩滑，唧啲青柠汁，再蘸自家制辣汁，鱼鲜味更突出 。
蒜香炒毛茄 $78近年啲人都好兴食毛茄（或叫秋葵 / 羊角豆），原因都喺有益健康，小弟就无乜研究，不过，听朋友讲就可预防大肠癌、钙含量高、保护胃壁等等。毛茄外层口感爽爽哋，内里则有啲滑滑潺潺，以蒜蓉清炒，简单不过，重点都喺想食得有益 。
鲜虾炒金边粉 $88 饭面类别有11款，应该唔难揾啱你心水嘅。金边粉平时都比较少食，而眼前碟金边粉炒得唔错，酸酸甜甜几惹味，粉条无过腍，捞匀银芽多份爽口，不过，旁边啲辣粉捞少少可以嘞，因为都几辣吓，最有心思喺粉条有少少脆虾干，令个金边粉口感多层次几分，而鲜虾几弹牙，整体好味。
泰式千层糕 $40 食完以上菜式大家都非常饱，一客泰式千层糕就为今餐泰东北菜作结，千层糕烟韧有咬口但唔黏牙，渗出椰汁及斑兰清香，味道自然。
虽然，仍未能太懂得细分唔同区域嘅泰国菜系，但喺，每道菜都令人食得滋味，撇除一啲相对贵价嘅海鲜菜式，大抵都喺定价实惠，尤其以铜锣湾地段而言，所以，值得再嚟回味嘅泰菜馆！
张贴
