皇子印度餐廳 (海富樓)

营业中

休息中

自从知道西湾河原来有间食印度菜嘅餐厅后就已经bookmark左，毕竟喺东区依类餐厅一向都唔多，今日放假终于有机会黎试下午餐。佢位置岩岩好喺工联会隔离，地铁站行过黎都要一段路。间铺比较细，目测大概得8张台左右，所以都等左一阵先入得。一坐底已经每人先送一碗汤，中午有lunch set 可以拣，选择唔算多，我拣左串烧鸡(配咖喱汁)，有得配白饭或者烤饼/薯仔烤饼/千层饼，饮品要另外加钱。因为一向都中意食印度薄饼，我地3个人黎食，就每人叫唔同嘅饼share。其实个串烧鸡黎到嘅时候同我想象中有啲出入，我原先以为会一串串𠮶啲，点知黎到原来系3大块鸡。鸡系干身嘅，啲肉都几嫩，有少少辣，如果嫌dry嘅仲可以点咖喱汁。不过我嘅重点始终都系薄饼，我觉得佢啲烤饼都算大件，我尤其中意食佢嘅薯仔薄饼，里面原来系夹左啲咖喱薯仔，另外再点埋咖喱汁就非常惹味。其实三款都好好味，真系食再多都唔会厌。食物黎讲质素唔错，价钱都适宜，系个环境有啲狭窄。而且间餐厅比我想象中多人，所以黎到嘅话可能都要有心理准备要等位。