影片
更多
2019-05-01
300 浏览
终于约到以前嘅补习阿sir同几个同学一聚啦！顺便去一齐复仇者联盟4，睇之前仲有成2个钟时间我哋就先去食咗晚餐先。我哋喺西湾河呢间101手工小火锅，之前我自己食过一次午市，真心好推荐。今次晚市我都好期待。不过睇嚟晚市比较受欢迎，7点左右已经满晒座，攞咗飞都要等多半个钟先有四人位比我哋。等嘅时候我哋就先拣住嘢落定单先～我就叫咗沙茶牛肉小火锅配公仔面，饮品我都几期待：盆栽特浓朱古力。其他人就叫咗麻辣卜卜蚬小火锅、蕃茄浓汤鸡脾肉小火锅、沙茶牛肉小火锅。仲有加料一碟肥牛片。我哋啲饮品先到…哇！我个盆栽朱古力都几大杯下，真系有少少盆栽嘅感觉，其实就系大杯版阿华田，上面洒咗大量朱古力粉当盆栽泥土咁，仲有一片香草当叶仔嚟修饰。我哋啲火锅到齐晒啦，开饭啦！个个锅都好香呀！特别系我个沙茶锅，系闻到沙茶酱香味。而且每个锅都非常之足料，堆到个锅满晒…虽然肉都比得足够，但系菜类真系比得太多。入面仲有肉片、鱼腐、玉子豆腐、包心菜、粟米、金菇、豆卜同台湾肠，所以真系非常之足料。其他嘅锅大概都有类似嘅火锅料偷偷地食咗一片Frd嘅肥牛片，几新鲜同嫩口，唔会老。阿Sir个蕃茄浓汤锅都好香呀点算呀，佢哋个个锅我都想全部试一
我哋喺西湾河呢间101手工小火锅，之前我自己食过一次午市，真心好推荐。今次晚市我都好期待。不过睇嚟晚市比较受欢迎，7点左右已经满晒座，攞咗飞都要等多半个钟先有四人位比我哋。
等嘅时候我哋就先拣住嘢落定单先～我就叫咗沙茶牛肉小火锅配公仔面，饮品我都几期待：盆栽特浓朱古力。
其他人就叫咗麻辣卜卜蚬小火锅、蕃茄浓汤鸡脾肉小火锅、沙茶牛肉小火锅。仲有加料一碟肥牛片。
我哋啲饮品先到…哇！我个盆栽朱古力都几大杯下，真系有少少盆栽嘅感觉，其实就系大杯版阿华田，上面洒咗大量朱古力粉当盆栽泥土咁，仲有一片香草当叶仔嚟修饰。
盆栽特浓朱古力
21 浏览
0 赞好
0 留言
我哋啲火锅到齐晒啦，开饭啦！个个锅都好香呀！特别系我个沙茶锅，系闻到沙茶酱香味。而且每个锅都非常之足料，堆到个锅满晒…虽然肉都比得足够，但系菜类真系比得太多。入面仲有肉片、鱼腐、玉子豆腐、包心菜、粟米、金菇、豆卜同台湾肠，所以真系非常之足料。其他嘅锅大概都有类似嘅火锅料
偷偷地食咗一片Frd嘅肥牛片，几新鲜同嫩口，唔会老。
阿Sir个蕃茄浓汤锅都好香呀点算呀，佢哋个个锅我都想全部试一次……最后梗系煮返我哋啲面嚟食啦，有普通公仔面同台湾手工拉面。不过有沙茶香味嘅公仔面都别有一番美味，大家可以试下。
食饱饱就准备好去睇呢场史诗级电影啦！
张贴
