煮打菜打冷小菜館 (已結業)

煮打菜呢间菜馆我之前和同事食过两次，觉得呢度D野食好好食同好地道，所以今次就特意带男朋友的家人前来试试。我地总共点了5个菜及2个炒粉面。卤水拼盘拼盘食物种类很多，而且排得整整齐齐，有猪耳、八爪鱼，鸡肾，大肠，猪腩肉等等。整体味道不错，但略嫌鹅肉太肥。蜜椒吊烧骨佢个蜜糖酱汁调配得好好，甜甜地，几开胃，而肉质都好鲜嫩，唔会话太肥或者太瘦。豉油皇大虾豉油皇大虾最紧要一定系个豉油啦，而佢的确整得好好，酱汁惹味，有少少甜甜地，但略嫌上菜时不够热。潮式爆花蚝饼蚝饼炸得非常香口而且松脆，而里面亦有好多只蚝，只只都好饱满，十分足料。笼仔荷香蒸爆牙肉饼今晚既主角终于黎啦，呢个肉饼佢有好多配料俾你简，包括咸鱼，咸蛋，土鱿等等。而我地就简左银鱼仔。佢地既肉饼比一般餐厅整既肉饼弹牙好多，肉饼之间亦都加入猪耳，令弹牙之余亦会有爽口既口感，高度推荐 雪菜肉丝炆米及扬州炒饭份量十足，镬气十足，我地一行六人叫左两碟粉面都好够饱。食完晚饭之后，最惊喜既就系竟然仲有糖水送，成个"家的感觉"即刻出哂黎。而我男朋友的家人对呢间餐厅都有赞无弹，所以下次我一定要再带他们来吃。