屋台屋 (已結業)

位于鲗鱼涌基利路（实际上近康怡出口）嘅屋台屋系东区老店，响基利路超过 20 年。午市光顾，入座即有日式蒸蛋（好似只限头唔知几多位），蒸蛋嫰滑，可以一边食一边慢慢睇餐牌。套餐好有特色系一份主食 + 一份小食，主食有拉面、乌冬等可选择，小食可以选择沙律、刺身饭、寿司等多款不同菜式。通常我唔想谂太多，就会食酱油拉面 + 刺身饭。酱油拉面汤底明显饮得出冬菇、鲣鱼的味道，酱油不会太浓掩盖了那种鲜味。汤底的平衡做得很好。至于叉烧，该店曾使用卤猪颈肉做叉烧，但近月重新使用五花腩卷成圆条状的叉烧，肥肉入口即溶，相当好吃。如果响鲗鱼涌、太古，想揾间静静地又有质素嘅餐厅，不妨考虑去屋台屋。