道頓堀御好燒專門店 (康怡廣場) (已結業)

阿妈突然带咗张宣传单返嚟，话呢间嘢好似好吸引咁超想去试下，老豆见到都表示好似好正咁。好计啦，好彩今日有得早收工，就同屋企人出去食呢间啦。佢就喺康怡广场，大快活隔离。叫做系道顿堀御好烧专门店，主力系食烧肉同埋大坂烧广岛烧之类嘅。我哋6点几到，人流唔多，walk in 就有位。我哋食嘅系57品放题，应该系最抵食嘅一款嚟嘅。仲有张List介绍日本唔同烧嘅唔同做法，感觉都真系几讲究下㖞。一叫啲嘢烧嚟食下先，我哋叫咗猪五花、牛五花、牛舌、牛肋肉、猪颈肉。肉类就比较上普通啲，有啲硬，唔感冇咁好，不过好在有比牛油去烧，会香口啲。另外仲有海鲜：虎虾、鱿鱼、蒜茸牛油带子同铁板泡菜鱿鱼。带子系当中值得一试嘅，同埋泡菜都做得唔错。然后就系今日嘅重头戏啦！今次试咗个广岛烧同埋野菜盛合。系呢度我唔详细讲步骤啦，大家睇图啦！烧得又几似模似样㗎！食完个烧我可以好肯定咁讲呢间嘢主打只有呢种御好烧，其他啲烧肉呀海鲜呀根本唔重要。最后我哋每人仲会有一球食黄少少果两个系柚子味，少少甜又不失柚子嘅少少酸味；另外就系云呢嗱味。