營豐海南雞專門店 (已結業)

今日放学返屋企，途经呢间比较新开嘅海南鸡专门店。望真小小原来呢间只提供外卖服务，并冇堂食。难得今日星期五（TGIF)，我心情大好，再考虑到妈妈煮饭一定冇啖好食，所以我决定斩料加𩠌。望一望餐牌，发觉半只海南鸡$100以下。我谂都唔谂，就叫咗半只海南鸡。海南鸡当然系主打，不过餐厅都有买卤水嘅产品。最后我叫咗招牌脱骨海南鸡。虽然系外卖，但依然有叶作点缀。味道方面，肉质几嫩，本身鸡件相当够味，所以唔系好需要额外酱汁。另外海南鸡系无骨，食嘅时候真系好方便。黄姜饭同海南鸡一向系天作之合，等我下次试吓佢哋嘅无骨海南鸡饭先！