KEW+

营业中

休息中

喺尖沙咀嘅海洋中心又有好Fancy 嘅新餐厅开张，餐厅主打中西日泰嘅多国菜，适合同朋友嚟聚会食饭，胜在菜式选择多。餐厅以柔和嘅粉色系搭配花草为主题嘅装修，令人感到放松舒服。酥炸鱿鱼须听闻天妇罗炸物嘅评价不错，所以餐前小食决定试试鱿鱼须。呈半金黄色嘅卖相不错，炸粉薄而且松脆香口。日本杂锦鱼生海苔脆脆相信菜式灵感系嚟自墨西哥菜嘅Tacos, 以海苔脆脆包住不同嘅刺身几别开生面。刺身足料口感丰富，三文鱼籽搭配海胆味道Creamy，打卡够哂靓。海胆带子大叶天妇罗以紫苏叶包住带子，再以天妇罗嘅形式酥炸。外层以海胆做topping。菜式简单但口感几有层次，先系海胆嘅奶油香，中层有紫苏叶嘅清新感，尾段以肥美鲜甜嘅带子作结。拉拉芝士薄饼食完日式即刻跳到去西式意大利菜嘅部分，钟意食芝士嘅一定要点！ 超多Cheese 拉丝效果夸张，而且仲有Blue Cheese 喺薄饼入面认真有诚意。老坛酸菜鲈鱼估唔到连中菜嘅酸菜鱼都会有，一时兴起同朋友都想食啲酸辣开胃菜，就决定试试。鲈鱼起哂骨啖啖肉可以大快朵颐，鱼肉口感嫩滑。酸菜鱼汤底以酸为主，辣味偏低比较易入口。