影片
更多
2018-11-28
1292 浏览
星期六我哋好多时都喺出街食早餐，午饭就留晌屋企煮；今次就相反，朝早就晌屋企煮早餐食，晏昼饭就近近哋落去曼克顿山嘅「渔乐」搞掂。正正因为上次去过「意乐餐厅」，见隔离呢家「渔乐」新开无耐，又几多人帮衬，故此，有啲兴趣嚟试试。环境同隔离嘅「意乐餐厅」几相似，地下铺上花砖，装修带点工业风嘅感觉。晌门口已见到大大只霓虹光管字写住「Asian Food」，所以，翻一转餐牌，就见有唔少不同东南亚国家嘅菜式，单以午餐而言，选择十分之多。而所有菜式都包基本餐饮，但亦可以加钱转为特饮，或配小食、配甜品。顺带一提，基本餐具都已经放晒晌枱面，自由取用。越香扎肉鱼片头汤河 $49老婆一向喺汤米、汤河支持者，见佢有条「鱼仔」标志，应该喺厨师推介之类啦。份量就好够喇，仲铺咗唔少紫洋葱及金不换添，扎肉及鱼片头都交足货，前者几爽口，但后者似一般炸鱼片，非鱼片头，还好嘅喺几爽，有鱼味，河粉亦够滑溜，汤底就普通啲，幸好无偏咸嘅问题。泰正金不换炒金边粉 $56以小煎镬盛载，几有心思，但最特别喺配料，初睇表面，有啲辣椒干、花生碎、青柠、沙糖放晌4边，加上粉内有点豆腐干及泰国腊肠，算预3弟见识少，呢个配搭我都喺第一次试，整体味道
环境同隔离嘅「意乐餐厅」几相似，地下铺上花砖，装修带点工业风嘅感觉。
晌门口已见到大大只霓虹光管字写住「Asian Food」，所以，翻一转餐牌，就见有唔少不同东南亚国家嘅菜式，单以午餐而言，选择十分之多。而所有菜式都包基本餐饮，但亦可以加钱转为特饮，或配小食、配甜品。
顺带一提，基本餐具都已经放晒晌枱面，自由取用。
越香扎肉鱼片头汤河 $49老婆一向喺汤米、汤河支持者，见佢有条「鱼仔」标志，应该喺厨师推介之类啦。份量就好够喇，仲铺咗唔少紫洋葱及金不换添，扎肉及鱼片头都交足货，前者几爽口，但后者似一般炸鱼片，非鱼片头，还好嘅喺几爽，有鱼味，河粉亦够滑溜，汤底就普通啲，幸好无偏咸嘅问题。
泰正金不换炒金边粉 $56以小煎镬盛载，几有心思，但最特别喺配料，初睇表面，有啲辣椒干、花生碎、青柠、沙糖放晌4边，加上粉内有点豆腐干及泰国腊肠，算预3弟见识少，呢个配搭我都喺第一次试，整体味道都唔错，纷陈有个性。事后先知原来喺曼谷啲小巷风味，话时话，我真喺未去过泰国旅行㖞。
特浓即磨咖啡、热好立克今次就无特别想转特饮，简简单单，我就拣杯咖啡，老婆就饮好立克。原来，佢餐牌上写住「特浓」即磨咖啡，送到嚟就知咩事，喺即磨咖啡再加一小羹即溶咖啡粉，咁就当然浓郁啲啦，但不失醇香，枉佢又谂得出㖞，哈哈！
今餐算喺快上快落，眨眼食完餐晏。招呼不过不失，但至少唔会无礼貌，上菜快，食物嘅味道亦OK。虽然呢区有两家越南餐厅「小越南」及「越栈」，但卖东南亚菜就得间极之麻麻嘅「牛车水」，相信无太直接对手下应该有得做。
张贴
