名堤 (已結業)

日式放题就食得多, 东南亚式放题就首次食, 呢间除左有散叫外, 仲有提供2小时任饮任食放题, 选择边样, 当然要睇下餐牌有咩食先决定啦星期一至四价钱每位$198 (另加一), 刚好今日系呢个价, 同行友人商量同散叫差唔多价, 见佢食物选择都几对胃, 唔想烦就一于试下放题先黎个青木瓜鲜虾沙律, 份量会因你人数而改变, 呢份细细份可以试下岩唔岩食先再ENCORE, 味道酸酸既青木瓜丝够爽口, 面口舖上鲜虾, 食落算爽口, 口感唔错!同行友人见有特价生虾刺身($78/8只), 要自费都想食, 虾唔算细只, 夹埋生蒜同辣椒粒, 点少少特制酱汁, 几好味道, 亦算抵食!串烧类有猪, 牛及鸡肉, 大路货式, 牛肉比较干身左D, 鸡肉会比较好味!我至爱既牛油鸡翼, 体积比出面食开既为巨型版, 包埋鸡翼尖部份, 食时热到辣口, 好彩有冻饮降下温, 味道都OK!无骨鳯爪, 配以酸青瓜, 爽脆酸辣鳯爪, 食落醒胃惹味, 亦整得几入味, 无叫错!包埋甜品几款, 试左呢款芒果椰汁黑糯米, 2片芒果都几甜, 黑糯米亦有咬口!价钱OK, 食物味道及选择都合格, 侍应落单及服务够快手, 此乃食放题既一大加分位!